Presidenti i Ukrainës, Volodymyr Zelensky, ka miratuar një dekret ku autorizon zhvillimin e paradës në Moskë ditën e sotme, 9 maj 2026 (për të përkujtuar ditën e fitores së Bashkimit Sovjetik mbi Gjermaninë Naziste).

Sipas dekretit të firmosur nga Zelensky, për kohëzgjatjen e paradës (duke filluar nga ora 10:00 sipas kohës së Kievit më 9 maj 2026), territori i Sheshit të Kuq në Moskë do të përjashtohet nga operacionet e ushtrisë ukrainase.

Miratimi i dekretit erdhi pas negociatave me palën amerikane dhe sipas Zelenskyt bëhet për arsye humanitare.

Më herët Presidenti amerikan Donald Trump njoftoi një armëpushim 3-ditor mes Rusisë dhe Ukrainës, pas përplasjeve dhe shkeljeve të armëpushimeve të mëparshme.

Në paradën e sotme të zhvilluar në Moskë, Rusia nuk prezantoi arsenalin e saj të armëve, si në paradat e tjera, por e kurseu një shfaqe të tillë.

DEKRET I PRESIDENTIT TË UKRAINËS
Nr. 374/2026

Mbi Zhvillimin e Paradës në Moskë.

Duke marrë parasysh kërkesat e shumta, dhe për qëllime humanitare të paraqitura gjatë negociatave me palën amerikane më 8 maj 2026, dekretoj sa vijon:

Të autorizohet zhvillimi i një parade në qytetin e Moskës (Federata Ruse) më 9 maj 2026.

Për kohëzgjatjen e paradës (duke filluar nga ora 10:00 sipas kohës së Kievit më 9 maj 2026), sektori territorial i Sheshit të Kuq do të përjashtohet nga plani operacional i armëve ukrainase.

Koordinatat:

55.754413 37.617733
55.755205 37.619181
55.753351 37.622854
55.752504 37.621538

Ky Dekret hyn në fuqi në ditën e nënshkrimit të tij.

Presidenti i Ukrainës
V. ZELENSKYY

8 maj 2026


Lajmi kryesor:

Arrihet armëpushimi 3 ditor mes Rusisë dhe Ukrainës! Festime në Moskë për Ditën e Fitores, paradë pa delegacione dhe armë