POP 5

Lajmet më të lexuara të 5 minutave të fundit

Sport

'Presioni më pëlqen', trajneri i Partizanit: Me Teutën duam 3 pikët! Prag Skënderbeu, Tirana: S'ka eufori tek ne

Në prag të përballjes me kampionët në fuqi të Teutës te Partizani trajneri Mehmeti e pranon se ka presion. Ndërkohë te Tirana kryesuese hedhin poshtë mundësinë për eufori dhe thotë se me Skënderbeun objektiv janë vetëm 3 pikët.

Të shtunën luhen 3 nga 5 ndeshjet e javës së 19 të Superligës ku padiskutim spikat supersfida mes kampionëve të Teutës dhe Partizanit, që këtë sezon po has shumë ulje ngritje. Të kuqtë aktualisht rrezikojnë vendin e pestë në renditje dhe situata ka ulur optimizmin.

“Presioni më pëlqen sepse më detyron që të jap maksimumin dhe më motivon që të bëj më shumë e të kërkoj më tepër. E kemi vlerësuar siç duhet Teutën dhe do japim maksimumin jo vetëm për të ngritur nivelin e lojës, por edhe të kërkojmë rezultatin me ngulm,”-u shpreh Dritan Mehmeti, trajner i Partizanit.

Sakaq Tirana, kryesuesja e kampionatit me një diferencë prej 6 pikësh me ndjekësit dhe që sëfundmi shkatërroi 4-0 Kukësin, luan në transfertë me Skënderbeun, skuadrën që shpreson të mbijetojë në Superligë.

“Grupi që ne kemi në skuadër janë lojtarë që janë të vetëdijshëm për këto situata dhe besoj që euforia nuk ekziston. Futbollistët e dinë mirë që pas një ndeshje të mirë pastaj mund të humbasësh dhe për këtë nuk besoj se euforia ka vend në skuadrën tonë për momentin,”-tha Erbim Fagu, zv/trajner i Tiranës.

Ndeshja tjetër e së shtunës luhet në Kamzë mes Kastriotit dhe Dinamos.

Ne.k./AV/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Të shtëna me armë zjarri në Durrës, nuk raportohet për të lënduar! Shkak sherri mes dy personave në lokal, dyshohet se u përdor 'Shotgun'

Të shtëna me armë zjarri në Durrës, nuk raportohet për të lënduar! Shkak sherri mes dy personave në lokal, dyshohet se u përdor 'Shotgun'

25 Dhjetor, 18:28