Pavarësisht retorikës politike dhe deklaratave përbetuese, krerët e partisë kryesore në opozitë, ditët e fundit, kanë dhënë disa sinjale të qarta politike, që konfirmojnë planin për të marrë pjesë në zgjedhjet parlamentare, pavarësisht plotësimit të kushtit për krijimin e një qeverie teknike.
Krahas përbetimeve se nuk do të ketë zgjedhje me Edi Ramën kryeministër, në prapaskenë, demokratët kanë nisur përgatitjet për zgjedhjet e 18 Qershorit, duke ndjekur një taktikë të dyfishtë. Kthesa e kamufluar e Sali Berisha dhe Lulzim Bashës vjen në kushtet kur kryeministri Edi Rama është i vendosur për të shkuar në zgjedhje edhe pa opozitën, ndërsa Lëvizja Socialiste për Integrim është shprehur qartë kundër qeverisë teknike.
Megjithatë, rol kyç në tërheqjen e opozitën duket se ka luajtur presioni i papërballueshëm ndërkombëtar. Shtetet e Bashkuara të Amerikës, partia e Angela Merkel, misioni i OSBE në Tiranë, eurodeputetë, delegacioni i Bashkimit Evropian në Tiranë, Raportuesi për Shqipërinë në Parlamentin Evropian Knut Fleckenstein etj., janë pozicionuar qartë kundër bojkotit të Kuvendit dhe zgjedhjeve parlamentare.
Mesazhi i parë
Në datën 20 mars, kryetari i Partisë Demokratike, Lulzim Basha, foli për herë të parë, pas disa javësh, për përbërjen e listës së kandidatëve për deputetë të opozitës.
Basha përsëriti premtimin se një e treta e kandidatëve të PD do të jenë të rinj dhe të reja, duke paralajmëruar në një farë mënyre pjesëmarrjen në zgjedhje, në kushtet kur shumica në pushtet ka hedhur poshtë opsionin e qeverisë teknike.
“Dhe sa më takon mua, një e treta e kandidatëve të PD, në zgjedhjet e lira dhe të ndershme që do ti paraprijnë Republikës së Re do të jeni ju të rinj e të reja të PD, të rinj e të reja shqiptarë. Asgjë nuk ju mungon”, ka deklaruar Berisha.
Mesazhi i dytë
Një ditë më pas, pra në 21 mars, ish-kryeministri Sali Berisha zhvilloi një takim në zyrën e tij me ambasadorin amerikan në Tiranë, Donald Lu.
Kryefjala e takimit ishte bojkoti i Kuvendit si dhe paralajmërimi për bllokimin e zgjedhjeve nga opozita. Pas takimit, me anë të një njoftimi, Sali Berisha renditi të gjitha kushtet për zgjedhje të lira dhe të ndershme.
Për herë të parë, kushti për krijimin e një qeverie teknike nuk përfshihej në listën e kërkesave që Berisha ia kishte paraqitur ambasadorit Lu. Një ditë më pas, ish-kryeministri Berisha e mohoi tërheqjen nga një kusht i tillë, por referuar njoftimit, qeveria teknike nuk ka qenë pjesë e diskutimit.
Mesazhi i tretë
Në datën 25 mars, pas kthimit nga Shtetet e Bashkuara të Amerikës, Lulzim Basha, u shpreh se ekipi fitues i Trump do të mbështeste Partinë Demokratike në zgjedhjet e ardhshme.
“Mesazhi i tretë, është mesazhi i mbështetjes totale të miqve tanë! Mbështetjes politike, mbështetjes parimore dhe morale dhe po, mbështetjes së gjithanshme për Partinë Demokratike të Shqipërisë, nga ekipi fitues i Presidentit Trump, jo vetëm për këtë betejë, por edhe për zgjedhjet që do të vijnë, për zgjedhje të lira e të ndershme”, tha Basha.
Mesazhi i katërt
Gjatë datave të 26 dhe 27 mars, kryetari i Partisë Demokratike, Lulzim Basha, ka mbledhur grupin parlamentar demokrat, Kryesinë e PD dhe krerët e degëve të Partisë Demokratike.
Gjatë këtyre mbledhjeve është zyrtarizuar edhe ndryshimi i aksionit politik, sidomos në raport me zgjedhjet. Konkretisht është vendosur për të vijuar protestën dhe bojkotin e Kuvendit, por në të njëjtën kohë, deputetët dhe krerët e degëve janë udhëzuar që të nisin përgatitjet për zgjedhjet, me argumentin se kushti për krijimin e qeverisë teknike së shpejti do të kthehet në një realitet politik.
Shqiptarja.com ka mësuar se Lulzim Basha ka deklaruar se nuk do të ketë zgjedhjet pa qeveri teknike, por ai u ka kërkuar deputetëve dhe krerëve të degëve të mobilizojnë elektoratin për zgjedhje, pasi sipas tij, kërkesa e opozitës do të realizohet.
Çadra e PD, mbledhje për punësimin
Dhjetëra të rinj dhe të reja, gjimnazistë dhe studentë dhe të sapodiplomuar folën dje në çadrën e Partisë Demokratike për mungesën e mundësive dhe punësimit. Sipas PD, Mungesa e meritokracisë për studentët fillon nga bankat e shkollës e deri tek tregu i punës.
“Të rinjtë theksuan se nuk ndihen të lirë, pasi përzgjedhja e shkollës që ndjekin, punës që bëjnë apo edhe vetë përfaqësuesve të tyre nuk është e tillë. Reforma në arsimin e lartë zvogëloi mundësinë e studentëve për të vazhduar shkollimin në degën e përzgjedhur prej tyre.
Qindra nxënës për shkak të pamundësisë financiare, të tjerë prej frikës nuk arritën të fitonin degët e preferuara në Universitetet Publike. Ata të cilët arritën të fitonin studimet e larta në shtet, u përballën me tarifat e trefishuara të edukimit. Të vetmit përfitues nga formula arsimore “Rama – Nikolla” ishin Universitetet private të cilët faturuan shtrenjtë ëndrrat e studentëve shqiptarë”, pretendon opozita. PD nuk ka harrur të përsërisë kërkesën për qeveri teknike.
“Ata bënë thirrje që çdo gjimnazist, student apo i ri i cili nuk është më i lirë të zgjedhë për veten e tij, ti bashkohet qëndresës popullore për një Republikë të Re ku pushteti kthehet në duart e njerëzve dhe paratë e taksapaguesve në investim për rininë. Kjo mund të arrihet vetëm përmes zgjedhjeve të lira dhe të ndershme të një qeverie teknike”, thuhet në njoftimin e PD.
dy.b/shqiptarja.com
Lajme të tjera
-
'Krimet me armë të lehta ndodhin kudo por në Shqipëri është më i ashpër' Ambasadori i OSBE-së: Siguria nuk është vetëm përgjegjesi e policisë
20 Nëntor, 17:32
-
Goditja e korrupsionit politik, financimi i partive dhe kufizimi për punësimin e titullarëve pas mbarimit të detyrës! Zbardhen disa nga propozimet në Komisionin e Posaçëm
13 Nëntor, 09:47 -
Mbahet tryeza e parë për Dokumentin Analitik, ekspertët zbulojnë gjetjet dhe rekomandimet për integritetin e administratës publike dhe konsolidimin e shërbimeve digjitale
4 Nëntor, 20:27 -
'Mashkull, femër apo të tjera', OSBE flet për sondazhin: E konsultuam me Kuvendin
29 Tetor, 09:18
-
Fitorja e partisë proruse, Presidentja e Gjeorgjisë thotë se nuk e njeh rezultatin e zgjedhjeve
27 Tetor, 22:27 -
'Mashkull, femër apo të tjera, çfarë gjinie je?', Tritan Shehu denoncon 'sondazhin' e OSBE-së për deputetët: Fyes, refuzoj ta plotësoj
24 Tetor, 20:21 -
Prapaskenat e garës për sekretarin e Përgjithshëm të OSBE, Shqipëria me kandidaturën e Igli Hasanit mund rivalin turk! Si do zgjidhet në Vjenë
26 Shtator, 17:15 -
Pas Celibashit, ambasadori i OSBE-së në Shqipëri takohet me Presidentin Begaj
7 Qershor, 21:05 -
Vota e diasporës/ OSBE: Mbeten vetëm 10 muaj për ta realizuar, e vështirë edhe për vendet e zhvilluara! Partitë të gjejnë marrëveshje sa më shpejt
4 Qershor, 20:59 -
PROFILI/ Merr detyrën kreu i ri i Prezencës së OSBE-së në Shqipëri, Tarran: Pres me padurim të punoj krah partnerëve shqiptarë
22 Maj, 11:51 -
Lufta në Ukrainë/ Moska: Sulmi në Belgorod nga Kievi u krye me armë të furnizuara nga NATO
12 Maj, 16:45 -
Basha takon ambasadoren e OSBE, në fokus reforma zgjedhore dhe drejtësia
18 Prill, 19:56
