Presidenti ukrainas, Volodymyr Zelensky

Shërbimi i inteligjencës së jashtme të Rusisë (SVR), ka akuzuar Mbretërinë e Bashkuar dhe Francën se po planifikojnë të furnizojnë Kievin armë bërthamore.

Duke cituar të dhëna nga inteligjenca, por pa dhënë prova, thuhet se elitat britanike dhe franceze “nuk ishin të përgatitura të pranonin humbjen” në luftë.

Pra, ata po kërkonin t’i dorëzonin Kievit bomba bërthamore, në mënyrë që ky i fundit të siguronte kushte më të favorshme paqeje, sipas SVR.

Ndërsa Gjermania refuzoi të mbështeste përpjekjen, pretendon agjencia, Mbretëria e Bashkuar dhe Franca po “punonin në mënyrë aktive për të zgjidhur çështjet” që lidhen me furnizimin e Kievit me armë bërthamore.

Dmitry Peskov, zëdhënësi i Kremlinit, tha se planet e dyshuara ishin "potencialisht... jashtëzakonisht të rrezikshme" dhe "një shkelje e hapur e të gjitha normave dhe parimeve të akteve përkatëse të së drejtës ndërkombëtare".


Lajmi kryesor:

4 vite luftë/ Zelensky: Rusia nuk ka fituar! Putin: Ukraina po saboton bisedimet për paqe
Rendit zhvillimet sipas orarit:
Ora 19:08
'Putini gënjen'! Britania e Madhe hedh poshtë pretendimet e Rusisë se po furnizon Ukrainën me armë bërthamore

Volodymyr Zelensky, Keir Starmer, Emmanuel Macron dhe Friedrich Merz 

Britania e Madhe i është përgjigjur pretendimeve ruse se po planifikon ta furnizojë Ukrainën me armë bërthamore, duke thënë se Putini gënjen për të shpërqendruar vëmendjen nga 'veprimet e urryera' në Ukrainë

"Kjo është një përpjekje e qartë e Vladimir Putinit për të shkëputur vëmendjen nga veprimet e tij të neveritshme në Ukrainë. Nuk ka asgjë të vërtetë në këtë. Do t'i keni parë fjalët e Kryeministrit këtë mëngjes duke i bërë homazh rezistencës së jashtëzakonshme të ukrainasve... Ne do të vazhdojmë me përpjekjet tona për të siguruar një paqe të drejtë dhe të qëndrueshme" tha të martën një zëdhënës i kryeministrit.

Deklarata vjen pasi shërbimi i inteligjencës së jashtme të Rusisë, SVR, akuzoi Mbretërinë e Bashkuar dhe Francën se po planifikonin t’i furnizonin Kievit bomba bërthamore ose një “bombë të ndyrë” të pajisur me bërthamore, pa ofruar asnjë provë.

Ish-presidenti rus Dmitry Medvedev më vonë pohoi se, nëse do të ishte kështu, Rusia mund të përdorte armë bërthamore kundër Mbretërisë së Bashkuar, Ukrainës dhe Francës "nëse është e nevojshme". Ukraina hedh poshtë pretendimet e Rusisë se Kievi po bashkëpunon me dy superfuqi për të siguruar armë bërthamore: Një gënjeshtër absurde

U.D/Shqiptarja.com