Prezantimet/ Shehi te Tirana: Krenar që jam te klubi më i titulluar në vend! Josa: Çmenduri nëse ne te Kukësi pretendojmë titullin

Orges Shehi ëstë përzgjedhur nga Tirana si pasuesi i Nevil Dedes në rolin e trajnerit. Ish-portieri u shpreh i lumtur që kampionët në fuqi i besuan këtë rol, ndërsa në prezantim komentoi edhe spekulimet për ndërhyrjet që presidenti Halili bën në formacion.

“Krenar që jam pjesë e klubit më të titulluar në vend. Duke pasur më shumë tituj në vend, presioni rritet. Për sa i përket ndërhyrjeve që thoni ju. Kam qëndruar me presidentin deri vonë, nuk më është thënë kjo. Më intereson rezultati, pak rëndësi kush luan në fushë,”-u shpreh Shehi.

Ndërkohë presidenti Halili tregoi arsyet që e çuan ti besonte Orges Shehit, ish-trajnerit të Skënderbeut dhe Kukësit.

“Mendoj që kam zgjedhur një trajnerin të duhur pas shumë bisedave që kemi bërë. E njoh shumë mirë trajnerin, është një kampion, njeri me pak fjalë. Shpresoj ashtu siç ka bërë mirë gjatë gjithë karrierës së tij të bëj mirë edhe gjatë drejtimit të skuadrës,"-deklaroi Halili

Ndërkohë edhe te Kukësi është prezantuar sot zyrtarisht Mirel Josa, i cili ka ka një përgjigjje pikante kur pyetet nëse ekipi ka objektiv fitimin e titullit:

“Çdo gjë ndodhi shumë shpejt, për 2-3 ditë. Normal që Kukësi ka hyrë me objektivin për të dalë kampion. Në këto kushte që kemi tani, me këto diferenca pikësh ne nuk do jemi mirë nga mendja e kokës nëse themi do dalim kampion. Gjithsesi do mundohemi që në çdo ndeshje të japim maksimumin.”

Drejtori i Kukësit Nderim Nexhipi thotë se eksperienca ishte arsyeja thelbësore përse Kukësi zgjodhi Josën:

“Besoj me përvojën e tij dhe me eksperiencën do të na ndihmojë shumë në arritjen e objektivave tonë.”

Josa do të debutojë të shtunën në drejtimin e Kukësit kundër Skënderbeut, ndërsa Shehi të dielën kundër Apolonisë.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Këshilli Bashkiak i Himarës komandon kryetaren e Bashkisë, koalicioni Bashkë Fitojmë bashkon votat me PS

Këshilli Bashkiak i Himarës komandon kryetaren e Bashkisë, koalicioni Bashkë Fitojmë bashkon votat me PS