Është prezantuar nga arkitekti Marco Casamonti projekti i ‘shtëpisë’ së akademisë së futbollit Dyrrah City në Durrës, në bashkëpunim me Manchester Cityn, që pritet ta kthejë vendin tonë në qendrën e futbollit në Ballkan. Ndërtimi pritet të nisë brenda pak muajsh dhe do zgjasë më pak se 1 vit.
“Kjo qendër do ndryshojë zonën përreth. Do jenë 8 fusha sportive dhe është një projekt që shkon përtej lojës së futbollit. Do ketë shumë energji pasi janë palestra, parkime, hapësira të brendshme dhe park në dy anët e tij. Akademia do ndërtohet me materiale ekologjike dhe gurë dekorativë", tha Casamonti.
Casamonti është arkitekti i stadiumit ‘Air Albania’, por edhe i qendrës sportive të Fiorentinës, ndër më modernet në Itali, ndërsa projekti për akademinë e Manchester Cityt në Durrës është kërkuar dhe mbështetur nga kryeministri Rama.
“Do të mblidhet ajka e talenteve në vendit tonë të cilët do stërviten nga Manchester City. Është sporti më i ndjekur në botë dhe ekskluzivitet nga ky klub për ne në ballkanin perëndimor. Do ketë rritje të aksesit për të rinjtë dhe fëmijët për tu marrë me sport. Krahas akademisë së Manchester Cityt po punojmë për një tjetër akademi aty pranë. Me shpresë do ndërtohet akademia e tenisit të Rafael Nadal, për të cilën jemi duke punuar", u shpreh Rama.
“Si investim do përfshijë jo vetëm strukturën sportive, por edhe atë multifunksionale, rezidenaciale, palestra dhe fiziotrepiasë shumë modern. Do jetë krenari jo vetëm për vendin tonë, por edhe për rajonin", tha ministrja Ogerta Manastirliu.
Në pritje të ndërtimit të akademisë ‘Dyrrah City’, Manchester City në Shqipëri do nisë punën me fëmijët nga mosha 3-18 vjeç nga muaji shtator. Fillimisht në qendrën stërvitore të Dinamos, ndërkohë që prej muajsh është prezente me punën që po bën me trajnerët shqiptarë të ekipeve të moshave. Qëllimi është stërvitja e talenteve me metodologjinë e Manchester Cityt dhe më pas kalimi i tyre në klube të mëdha në Evropë, ndërsa për shkak të bashkëpunimit me Dyrrah City sot kanë ardhur në Shqipëri trofetë e fituar nga Manchester City sezonin e kaluar.
Në ceremoninë e prezantimit të projektit është treguar me foto sesi do jetë kampusi sportiv i Akademisë së Futbollit të Manchester City në Durrës . Ajo që ra në sy është sjellja e trofeve të fituara në sezonin e kaluar nga klubi anglez, si Premier League, Champions League, FA Cup, UEFA Super Cup dhe FIFA Club World Cup. Projekti në fjalë ka të bëjë me një investim të rëndësishëm, ku talentet do kenë kushtet më të mira të mundshme për të treguar veten dhe për t’u zhvilluar në aspektin profesional.
Komente
Lajme të tjera
-
Flota e peshkimit në Durrës në krizë ekonomike, kryesindikalisti: Ka burokraci në Ministrinë e Bujqësisë, u dogjën fondet!
30 Prill, 16:14
-
VIDEO/ Rama ngjitet në Theth me Spiropalin dhe Becin: Jam këtu me Mamicën dhe Vrana Kontin
30 Prill, 12:16 -
Mero Baze: Për gjithë të mërziturit me Rai 3
29 Prill, 20:03
-
Ylli Pata: Motra Giorgia dhe shoqja Elly, historia e marrëdhënies së komplikuar të së majtës italiane me PS
29 Prill, 19:22
-
Kuvend/ Opozita: Parlamenti të distancohet nga sjellja e Ramës ndaj Rai3! PS: Sulm i turpshëm, balta e Tiranës u paketua edhe në italisht
29 Prill, 17:19 -
Rama: Jemi në 'Champions League' e turizmit Mesdhetar! Në 2030 mund të arrijjmë 30 mln turistë! Thirrje të rinjve që punojnë jashtë: Pse rrini atje? Këtu do jenë pagat më të mira
29 Prill, 11:21 -
Porti i Durrësit/ policia gjen 19 mijë euro të padeklaruara, dhjetëra litra verë dhe vaj pa faturë! Në hetim 3 persona, kapet një shtetas i shpallur në kërkim
29 Prill, 10:43 -
Konkursi i Gjuhës Shqipe në fazën e gjysmëfinales, 16 shkolla në përballje
29 Prill, 08:20 -
Durrës/ Përfundon kampionati botëror i shahut për fëmijë, 380 pjesëmarrës nga 48 vende! Ndahen medaljet, ja 6 fituesit
28 Prill, 20:52
-
Mero Baze: Pse Edi Rama e ka hak 'drurin' nga Rai 3
28 Prill, 20:45
-
Rekord/ 54 mijë e 721 turistë vizituan muzetë kombëtarë gjatë 3 muajve të parë të vitit, 122% më shumë se në 2023
28 Prill, 16:30 -
VIDEO/ Meloni solidarizohet me Ramën e Shqipërinë pas emisionit 'Report' të Rai3: U linçuan se ndihmuan Italinë
28 Prill, 13:11
Shumë bukur,ju lumtë...por pse jo në Akademinë e Sportit në Tiranë...apo pse nuk e bëni Akademinë e Tenisit aty poshtë Digës së Liqenit artificial të Tiranës,ngjitur me Pishinat e Shtëpinë e Futbollit...?!! Madje te pishinat bëni edhe një Akademi Noti?!
Përgjigju