Ministrja e Infrastrukturës, Belinda Balluku prezantoi pasditen e kësaj të shtune një studim-projektimi për ndërtimin e rrugës Berat-Ballaban (Këlcyrë).
Ky aks rrugor me gjatësi prej 60 kilometrash, do të lidhë 4 bashki dhe do të jetë në shërbim të 150 mijë banorëve. Për më tepër ajo synon lidhjen e qarkut të Beratit me atë të Gjirokastrës, me synim lehtësimin e qarkullimit të banorëve të zonave.
Ministrja Belinda Balluku e cilësoi këtë rrugë si një projekt të rëndësishëm i cili do të ndikojë në zhvillimin ekonomik të zonës, por edhe më gjerë.
Ajo theksoi se për këtë segment do të hartohet një projekt i plotë, i cili do të marrë në shqyrtim dhe japë zgjidhje për çdo problematikë të mundshme, e cila mund të evidentohet gjatë punimeve duke theksuar se banorët e zonave pranë të cilëve kalon kjo rrugë do të kenë akses të drejtpërdrejt në të.
"Është një projekt që nuk prek vetëm Beratin, por disa bashki. Po punojmë për të rehabilituar disa zona. Kjo rrugë është përdorur nga të gjitha komunitetet, por ashtu siç sot kërkohen rrugë që përmbushin kushtet e sigurisë rrugore por dhe ato cilësore. Të gjitha këto zona kanë një potencial të zhvillimit turistik. Të gjitha bashkitë, që nga Berati, Tepelena, Memaliaj, Këlcyra janë destinacione të preferuara për turistët. Projektet që prekin më shumë se 2 zona kanë një vëmendje të shtuar. Duhet të jemi efiçentë. Kemi kërkuar një studim projektimi të mirë. Është një objekt që klasifikohet në kategorinë F të shpejtësisë rrugore me 60 km/h si dhe gjerësisë së saj. E gjithë rruga sduhet të ketë një pendencë jo më shumë se 5-7% në disa pjesë. Kjo është një zonë kodrinore dhe malore. Do ishte një kantier kompleks për tu dorëzuar" - tha Balluku.
Për ministrin Klosi, njëherësh edhe deputet i qarkut të Beratit, ndërtimi i kësaj rruge është një premtim i mbajtur ndaj banorëve të zonave ku ajo kalon, por gjithashtu do të shërbejë edhe si një shtysë për nxitjen e turizmit pasi këto zona ofrojnë mundësi të shumta.
"Është një rrugë që ka qenë prej shumë vitesh kërkesë e komunitetit. Ka qenë shumë e frekuentuar. Bën lidhjen mes Beratit dhe qarkut të Gjirokastrës. Rruga është deri në Ballaban. E bën një rrugë shumë të rëndësishme. Është një rrugë fantastike në peizazh. Kur kjo nuk është në standarte të larta, aty kalojnë shumë persona. Rruga vjen si një premtim i kryeministrit. E kemi rikthyer Beratin në një zonë të rëndësishme për kalimin. Në Berat kemi investime përsa i përket hotelerisë. Realizimi i kësaj unaze do rrisë dhe nivelin e hotelerisë, do rritet numri i turistëve ditorë" - tha Klosi.
Për ndërtimin e këtij segmenti rrugor janë hartuar dy variante, ku pas shqyrtimit do të zgjidhet varianti më i përshtatshëm dhe që plotëson kushtet teknike dhe financiare. Drejtori i ARRSH, Ergys Verdho në fjalën e mbajtur, bëri të ditur disa detaje teknike sa i takon ndërtimit të këtij aksi.
“Morëm angazhimin si Autoriteti Rrugor Shqiptar për të bërë këtë projekt ambicioz, i cili është i kategorisë F, me një karrexhatë me dy korsi nga 3 metër. Kemi dy variante të prezantimit. Do të kalojmë në gjurmën ekzistuese, do përmirësojmë rrezet e kthesave dhe gjeometrinë e të gjithë rrugës. Projekti ka në konsideratë zvogëlimin e distancës kohore, lehtësinë e lëvizjes dhe sigurinë rrugore, si dhe shpejtësinë e lëvizjes”, sqaroi drejtori Verdho.
Lajme të tjera
-
Konferenca e Kryetarëve/ PS rrëzon komisionin hetimor për Ballukun, lidhur me Porto Romanon! Bardhi: Aferë korruptive! Balla: Kërkoni 6 muaj hetim, s'ka kohë
23 Dhjetor, 12:27 -
Balluku live me Agron Shehajn në Facebook! Deputeti akuza: Hajdute, bën jetë milionereje! I ke të gjithë vartësit në burg (VIDEO)
19 Dhjetor, 13:51 -
Vjosa Osmani e zemëruar me BE pas samitit të Ballkanit Perëndimor
19 Dhjetor, 11:17 -
Debate në Kuvend/ Shehaj akuzon Ballukun: Ka 6 muaj shmang interpelancën, 1,3 mld euro Thumanë-Kashar, skandal! S’ka lekë për pensione, por hedh valle në festat e PS
19 Dhjetor, 10:25 -
Përplasje në Kuvend, 'mollë sherri' Bashkim Ulaj dhe interpelanca me Ballukun! Shehaj bllokon 4 orë foltoren, Spiropali e përjashtoi, Noka e shtyn me forcë
19 Dhjetor, 08:07 -
Hapet gara për ndërtimin e hekurudhës Vorë - Hani i Hotit, Gonzato: Ndihmon lëvizjen ekologjike dhe zhvillon turizmin! Shqipëria po ecën me reformat, BE e mbështet
18 Dhjetor, 10:49 -
Protestoi te ‘Infrastruktura’ se nuk i jepnin fondin e rindërtimit, 62-vjeçares i premtohet zgjidhje pas denoncimit në Report Tv! Natën e kaloi para Ministrisë
18 Dhjetor, 08:50 -
Nuk merr fondin për dëmtimin e shtëpisë nga tërmeti, gruaja në grevë urie para Ministrisë së Infrastrukturës: Balluku të më japë zgjidhje ose të marrë dhuratë vetëflijimin tim
17 Dhjetor, 18:45 -
Blushi nga Fieri: Rama 'babai' i korrupsionit, Balluku duhet të ishte në burg! Meta u arrestua sepse i denoncoi, SPAK në kontroll të kryeministrit
15 Dhjetor, 19:31 -
Bardhi denoncon zv/kryeministren: Vetëm me firmën e Ballukut ndodhin vjedhje dhe skandale të tilla, çfarë duhet më shumë për të mbajtur përgjegjësi?!
15 Dhjetor, 19:13 -
Berisha: Belindën mos e thërrisni më Lubi Balluku, por Lubi Loti! Si mund të ndahen 13 km rrugë në 14 kontrata?! Në 11 maj PS do pësojë disfatë të thellë
12 Dhjetor, 12:45 -
PD e Vlorës denoncon: Prokuroria të hetojë Belinda Ballukun për skandalin! Korrupsion me dy TEC-e, s’prodhojnë asgjë dhe kanë marrë 73 mln euro në dy vite!
9 Dhjetor, 15:29
