TIRANE- Hapet zyrtarisht tenderi për kompanitë që do të marrin përsipër ndërtimin e Aeroportit të Vlorës. Ministrja e Infrastrukturës dhe Energjetikës Belinda Balluku tha se afati do të përfundojnë në datë 12 Mars të vitit 2020, ndërsa më pas punimet do të nisin në 31 maj.
Balluku tha se koncesioni do të zgjasë për 35 vite ndërsa deklaroi se ky projekt të sjellë konkurrencë dhe shërbime të larta. Ministri i Turizmit dhe Mjedisit Blendi Klosi deklaroi se numri i turistëve të huaj që vijnë nga ajri do vijë gjithmonë në rritje pas ndërtimit të Aeroportit të Vlorës. Krislen Keri, drejtori i Aviacionit Civil tha gjatë fjalës së tij në prezantimin e projektit të Aeroportit të Vlorës se monopoli i e Aeroportit Nënë Tereza ka qenë një pengesë për ecurinë e aviacionit, ndërsa deklaroi se nisja e punimeve për dy aeroporte të reja do të përmirësojnë shërbimet dhe do të sjellin tarifa më të ulëta.
Vlora ka hyrë në historinë e fluturimeve në Shqipëri në 1914 kur u Pushtua nga italianët. Ata ngritën një kamp aviacioni për qëllime ushtarake, që përveç avionëve të zakonshëm përfshinte edhe një bazë hidrovolantësh. Në vitet ’30 -’40 transporti ajror i brendshëm mori një hov të madh, lidhur kjo me faktin se u ndërtuan aerodrome thuajse në të gjitha qytetet kryesore.
Në këtë periudhë, Shqipëria rezulton si ndër vendet e rralla në botë që kishte më të zhvilluar transportin e brendshëm ajror sesa format e tjera të transportit. Sa i përket Vlorës, në vitet ’40, nga aeroporti i këtij qyteti zhvilloheshin tre linja fluturimesh: Vlorë-Gjirokastër ku bileta kushtonte 11 franga ari për person, Vlorë-Romë që kushtonte 90 franga ari për person dhe Vlorë-Tiranë 17 franga ari.
Ministrja e Infrastrukturë dhe Energjetikës, Belinda Balluku deklaroi se nga sot hapet tenderi për Aeroportin e Vlorës. Ajo tha se gara do të mbyllet në datë 12 Mars, për t'i hapur rrugë punimeve që do të nisin në datë 31 Maj.
"Kemi ngritur një tender ndërkombëtar për një vepër ndërkombëtare, bazuar në parimet e barazisë dhe konkurrencës. Ky aeroport është pikënisja e planit të investimit që kemi. Shumë shpejt do të hapet tenderi Adriatiko-Jonian, Thumanë- Rrogozhinë. Do punojmë për tunelin e Llogarasë. Hapet zyrtarisht thirrja për ndërtim dhe operim të aeroportit. Shpallim sot hapjen e këtij tenderi ndërkombëtar, do të sjell konkurrencës dhe shërbime të larta. Me 12 mars përfundon afati për të dorëzuar ofertat. 35 vite zgjat koncesioni. 31 maj fillojnë punimet për ndërtimin e tij", tha Balluku.
Ministri i Turizmit dhe Mjedisit Blendi Klosi deklaroi se numri i turistëve të huaj që vijnë nga ajri do vijë gjithmonë në rritje pas ndërtimit të Aeroportit të Vlorës.
"Numri i turistëve të huaj që vijnë nga ajri do vijë gjithmonë në rritje. Këtë vit 6.3 milionë turistë të huaj, ose 10% më shumë se një vit më parë. Prapë ne kemi hapësira për turistë që nuk janë shfrytëzuar për shkak të akomodimit dhe infrastrukurës aeroportuale", tha Klosi.
Krislen Keri, drejtori i Aviacionit Civil tha gjatë fjalës së tij në prezantimin e projektit të Aeroportit të Vlorës se monopoli i e Aeroportit Nënë Tereza ka qenë një pengesë për ecurinë e aviacionit, ndërsa deklaroi se nisja e punimeve për dy aeroporte të reja do të përmirësojnë shërbimet dhe do të sjellin tarifa më të ulëta.
"Monopoli i Aeroportit Nënë Tereza ka qenë pengesë për ecurinë e aviacionit.
Hapja e punimeve për dy aeroporte të tjera do përmirësojë shërbimet dhe do të sjell tarifa më të ulëta për të gjithë qytetarët. Nga 2013 deri më tari ka pasur rritje të trafikut në aeroportin e Tiranës.
Air Albania ka sjell shërbim dhe cilësi të lartë. Për herë të parë qytetarë po udhëtojnë me bileta 50 euro drejt Italisë. 10% më shumë fluturime me charter. Nga 25 mijë në 2013 në 2019 ne presim që turistët me charter të shkojnë në 300 mijë", tha Keri.
Gjatë fjalës së tij gjatë prezantimit të projektit për Aeroportin e Vlorës, kryebashkiaku i Vlorës Dritan Leli tha se ajo që është premtuar do të bëhet realitet, pasi ka një impakt të jashtëzakonshëm në ekonomi.
"Shumë pak njerëz do ta besonin dhe do ta shihnin si një projekt të realizueshëm. Sot jam këtu për të garantuar atë që premtuam pak kohë më parë dhe sot do të behët realitet. Lungomarja, një ndër projektet më të kritikuara është kthyer një ndër zonat më të vizituara në Vlorë. Na del një detyrë e madhe për akomodimin dhe përgatitjen e stafeve njerëzore. Të gjitha këto kanë një impakt të jashtëzakonshëm në ekonomi", tha Leli.
Komente
Lajme të tjera
-
Toska zë ngushtë Telitin e PD: Pse nuk protestoni te Balluku, a iu komplekson emri i Bashkim Ulajt? Do jetë oligarku i parë që do arrestohet
23 Dhjetor, 22:48 -
Konferenca e Kryetarëve/ PS rrëzon komisionin hetimor për Ballukun, lidhur me Porto Romanon! Bardhi: Aferë korruptive! Balla: Kërkoni 6 muaj hetim, s'ka kohë
23 Dhjetor, 12:27 -
Balluku live me Agron Shehajn në Facebook! Deputeti akuza: Hajdute, bën jetë milionereje! I ke të gjithë vartësit në burg (VIDEO)
19 Dhjetor, 13:51 -
Vjosa Osmani e zemëruar me BE pas samitit të Ballkanit Perëndimor
19 Dhjetor, 11:17 -
Debate në Kuvend/ Shehaj akuzon Ballukun: Ka 6 muaj shmang interpelancën, 1,3 mld euro Thumanë-Kashar, skandal! S’ka lekë për pensione, por hedh valle në festat e PS
19 Dhjetor, 10:25 -
Përplasje në Kuvend, 'mollë sherri' Bashkim Ulaj dhe interpelanca me Ballukun! Shehaj bllokon 4 orë foltoren, Spiropali e përjashtoi, Noka e shtyn me forcë
19 Dhjetor, 08:07 -
Protestoi te ‘Infrastruktura’ se nuk i jepnin fondin e rindërtimit, 62-vjeçares i premtohet zgjidhje pas denoncimit në Report Tv! Natën e kaloi para Ministrisë
18 Dhjetor, 08:50 -
Nuk merr fondin për dëmtimin e shtëpisë nga tërmeti, gruaja në grevë urie para Ministrisë së Infrastrukturës: Balluku të më japë zgjidhje ose të marrë dhuratë vetëflijimin tim
17 Dhjetor, 18:45 -
Blushi nga Fieri: Rama 'babai' i korrupsionit, Balluku duhet të ishte në burg! Meta u arrestua sepse i denoncoi, SPAK në kontroll të kryeministrit
15 Dhjetor, 19:31 -
Bardhi denoncon zv/kryeministren: Vetëm me firmën e Ballukut ndodhin vjedhje dhe skandale të tilla, çfarë duhet më shumë për të mbajtur përgjegjësi?!
15 Dhjetor, 19:13 -
Berisha: Belindën mos e thërrisni më Lubi Balluku, por Lubi Loti! Si mund të ndahen 13 km rrugë në 14 kontrata?! Në 11 maj PS do pësojë disfatë të thellë
12 Dhjetor, 12:45 -
Konventa e Bernës thirrje qeverisë shqiptare: Ndalni ndërtimin e Aeroportit të Vlorës, rrezikohet biodiversiteti në Lagunën e Nartës
10 Dhjetor, 17:05
Pas Pas rinasit, aeroportit te Kuksit tani vjen per ju te nderuar teleshikues filmi me titullin "aeroporti i vlores". Me pas vijojme programin tone - fitues te dy cmimeve Oscar - " aeroporti i gjirokastres dhe sarandes". Shikim te mbare.
PërgjigjuVlora Airport =Rinas Airport Koncesione që do i mbajnë cmimet gjithmonë lartë.
PërgjigjuMe ne fund se plasem
PërgjigjuAeroprti i Vlores eshte e njejta histori me ate te Nene Terezas ,perseri me koncension,kur shume mure te ndertohej nga shteti dhe te k9nkuronte te tjeret plus tw ardhurat te ndihmon8n buxhetin.Pse nuk flet asnje per k9ncebsionin e Nanos per Rinasin,se sa kushtoi dhe sa fitime ja nxjerr TIA deri sot? PPP dhe koncensuonet jane vatra te korrupsionit dhe te humbjes se milonave euro ne buxhetin e shtetit.K y model nuk eshte fare socialist por ekstremusht i djathte dhe neoliberal.Shqipwria e se ardhmes nuk i perket shqiptareve por kompanive
PërgjigjuShpresojme te fitoj nje kompani qe mos te leri punimet pergjysem
Përgjigju