POP 5

Lajmet më të lexuara të 5 minutave të fundit

Kronikë

Prindërit kishin nevojë për përkujdesje mjekësore, i riu shqiptar merr borxh 5 mijë paund për në Angli, arrestohet në shtëpi bari

Një emigrant ilegal nga Shqipëria është burgosur me nëntë muaj burg pasi akuzohet për prodhim lëndësh narkotike. 23-vjeçari, Renato Zykaj u kap nga policia dhe u arrestua gjatë një bastisjeje në shtëpinë ku i riu kujdesej për bimët e kanabisit. 

Prindërit kishin nevojë për përkujdesje mjekësore, i riu shqiptar merr borxh 5 mijë paund për në Angli, arrestohet në shtëpi bari

Foto ilustruese

Një emigrant ilegal nga Shqipëria është burgosur me nëntë muaj burg pasi akuzohet për prodhim lëndësh narkotike. 23-vjeçari, Renato Zykaj u kap nga policia dhe u arrestua gjatë një bastisjeje në shtëpinë ku i riu kujdesej për bimët e kanabisit. Oficerët sekuestruan gjithsej 79 bimë nga kati përdhes, kati i dytë dhe papafingo dhe gjetën pajisje për kultivimin e kanabisit duke përfshirë edhe plehun e posaçëm.

Shtëpia ishte e pajisur me sisteme ndriçimi, ngrohje dhe ajrimi.

Zykaj tregoi në gjykatë se si pagoi para për të hyrë në Mbretërinë e Bashkuar në mënyrë ilegale në prill të vitit 2021 dhe mori hua 5000 £ nga një tjetër shqiptar. I riu po punonte në fermën e kanabisit për të shlyer borxhin dhe paguhej 300 £ në javë për të jetuar, teksa shqiptari tjetër e kërcënonte se do ta vriste nëse borxhi nuk shlyhej.

Avokati mbrojtësi tij,  Neil Ronan tha se Zykaj nuk kishte dënime të mëparshme dhe merrej me prodhimin e bimëve narkotike pasi nuk po fitonte mjaftueshëm për të siguruar kujdesin mjekësor që i nevojitej prindërve të tij.   Ai shtoi se Zykaj e ka kryer veprën penale për të “kujdesur për familjen e tij në shtëpi” dhe ka një rrezik të ulët për të kryer sërish veprën penale “pa dëshirë për të qenë sërish në burg”.

Regjistruesi i dënimit Jeremy Lasker pranoi se Zykaj u deklarua fajtor në rastin e parë dhe nuk kishte asnjë dënim të mëparshëm. Ai tha se që kur mbërriti në Mbretërinë e Bashkuar, Zykaj ishte punësuar në “ekonomi të zezë” dhe paguhej me para në dorë për punën e  paligjshme që bënte dhe që i nevojitej për të jetuar. Ai kultivonte kanabis për të shlyer borxhet që kishte grumbulluar.

F.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Beogradi nën ‘pushtetin’ e studentëve, momenti i frikshëm kur një automjet futet mes protestuesve dhe përplas dy prej tyre (VIDEO)

Beogradi nën ‘pushtetin’ e studentëve, momenti i frikshëm kur një automjet futet mes protestuesve dhe përplas dy prej tyre (VIDEO)

24 Janar, 19:09