Kryeministri Rama ka njoftuar pak minuta më parë ka njoftuar se është nisur drejt Shteteve të Bashkuara të Amerikës për të sjellë sa më parë vaksinën anti COVID në Shqipëri.  

"Sigurimi i vaksinës sa më parë është një prioritet i luftës sonë kundër Armikut të Padukshëm dhe s'do lemë gur pa luajtur që vaksina të fillojë të vijë sa më parë në Shqipëri!Kontakti sy më sy me prodhuesit e vaksinës i shërben këtij qëllimi. Rrugës për në Shtetet e Bashkuara!", shkruan Rama në Twitter.

Në një konferencë për shtyp të para pak ditëve nga Kryeministria, Rama paralajmëroi se në Shqipëri nuk do të futet vetëm një lloj të vaksinës anti-COVID, por të firmave të ndryshme që kanë dalë dhe do të dalin në treg.  Kryeministri shpreh se kjo është një praktikë që po e ndjekin shumë vende të botës dhe njëjtë do të veprojë edhe Shqipëria, duke shtuar se çmimi nuk ka shumë rëndësi, por mbetet një sfidë që vendi të mos mbetet pas, duke qenë se nuk i ka kapacitet ekonomike njëjtë si vendet e BE-së apo SHBA.

Në një tjetër komunikim me mediat, Kryeministri deklaroi se "Kur të vijë vaksina kundër COVID ajo do të jetë falas për të gjithë".