POP 5

Lajmet më të lexuara të 5 minutave të fundit

Kronikë

Pritë dy të rinjve me makinë, plagoset njëri nga goditjet (Video e Emisionit 112/Reagimi i policisë)

Dy të rinj kanë rënë pre e një prite në periferi të kryeqytetit ndërsa njëri prej tyre ka mbetur i plagosur nga goditjet me grushte në kokë. Në episodin 31 të emisionit 112 transmetojmë pamjet ekskluzive nga reagimi i policisë në ngjarje dhe ndodhi të tjera me të cilat efektivët e policisë janë përballur gjatë detyrës së tyre në ditët e fundit.

TIRANË - Dy të rinj kanë rënë pre e një prite në periferi të kryeqytetit ndërsa njëri prej tyre ka mbetur i plagosur nga goditjet me grushte në kokë. 

Emisioni 112 ishte me patrullën e policisë dhe ju sjellim pamjet ekskluzive nga reagimi i efektivëve në këtë ngjarje. Dy të rinjtë ishin në makinën e tyre kur një tjetër mjet u ka dalë përpara dhe u ka prerë rrugën. Prej mjetit kanë dalë 4 djem që kanë dhunuar 2 të rinjtë duke lënë me disa dëmtime në kokë e fytyrë njërin prej tyre, ndërsa djali tjetër telefonoi më pas policinë. Nga uniformat blu po vijojnë hetimet për identifikim dhe kapjen e autorëve ndërsa nuk dihen motivet e ngjarjes. (Shikoni minutën 11 në video për këtë rast)

Klientët e një lokali pranë zonës së "Ali Demit" kanë shpëtuar mrekullisht pa lëndime pasi vazoja e luleve nga ballkoni i një pallati ra poshtë tek lokali. Pronari i biznesit telefonoi policinë ndërsa tregon se klientët shpëtuan për pak dhe kërkon që të gjendet apartamenti nga u rrëzua vazoja. Në emisionin e realizuar nga gazetari i Report TV Antonio Çakshiri transmetojmë pamjet nga kjo ngjarje dhe ndodhi të tjera me të cilat efektivët e policisë janë përballur gjatë detyrës së tyre. 

Gjatë patrullimit në Rrugën e Elbasanit, efektivët e policisë konstatojnë 3 fëmijë që kanë hipur në një pemë tek e cila kishte dhe kabuj elektrik, ata zbriten nga policët. 

Në fund të këtij episodi të 31-të janë pamjet nga kamera e trupit të policisë teksa zjarrfikësit dhe efektivët reagojnë në një rast zjarri pranë Qytetit Studenti ku çatia e një ndërtese 3-katëshe është përfshirë nga flakët, fatmirësisht pa të lënduar.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë

19 Prill, 22:54