POP 5

Lajmet më të lexuara të 5 minutave të fundit

Ekonomi

Pritet rritja e karburantit me
15 mln euro më shumë në vit

Ministria e Financave ditët e fundit ka lidhur kontratë me kompaninë “Global Fluids International” lidhur me kontrollin në tregun e shitjes me pakicë të karburanteve në Shqipëri.Llogaritet në 15 milionë euro në vit kostoja shtesë që duhet të paguajnë konsumatorët shqiptar të karburantit.
Pritet rritja e karburantit me <br />15 mln euro më shumë në vit
TIRANE - Lajme jo të mira për konsumatorin shqiptar, pritet rritje e mëtejshme e çmimit të karburantit në treg. Ministria e Financave ditët e fundit ka lidhur kontratë me kompaninë “Global Fluids International” lidhur me kontrollin në tregun e shitjes me pakicë të karburanteve në Shqipëri. Kompania austriake ka fituar tenderin për shërbimin e markimit dhe monitorimit të karburanteve në përputhje me vendimin e Këshillit të Ministrave të marrë më 24 gusht të vitit të kaluar.

Ministria e Financave praktikisht ka dhënë monopol për një kompani të vetme që të kontrollojë cilësinë e nënprodukteve të naftës në treg, çka prek të gjithë përdoruesit e automjeteve, veturave, kamionëve dhe autobusëve. Deri tani këtë funksion e ka ushtruar shteti.

Llogaritet në 15 milionë euro në vit kostoja shtesë që duhet të paguajnë konsumatorët shqiptare që janë përdorues të automjeteve për shërbimin që qeveria ua ka besuar privatëve. Pritet që një masë e tillë të ndikojë edhe në rritjen e çmimit të mallrave të konsumit të gjerë që transportohen me automjete, si dhe me rritjen e biletave të transportit urban dhe interurban.

Sipas kësaj projekt-kontrate parashikohet që të rritet kostoja e karburantit me 6.5 euro për ton. Kjo kontratë është e vlefshme për 10 vjet dhe duke pasur parasysh konsumin aktual të karburantit në Shqipëri fitimi i firmës koncesionare do të jetë 1.5 milionë euro për 1 vit, që do të paguhet nga konsumatori shqiptar.

(eç/gh/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Cilat janë pengesat për arritjen e armëpushimit mes Izraelit dhe Hezbollahut?

Cilat janë pengesat për arritjen e armëpushimit mes Izraelit dhe Hezbollahut?

25 Nëntor, 22:54