POP 5

Lajmet më të lexuara të 5 minutave të fundit

Ekonomi

Privatizimi i ‘Albetrol’, Haxhinasto:
Po kryhen verifikimet, më tej vendimi

Ministri i Ekonomisë, Tregtisë dhe Energjetikës, Edmond Haxhinasto, tha sot se po procesi i privatizimit të Albpetrol po vijon me verifikimin e dokumentacioneve, pas të cilave do të jepet edhe vendimi i komisionit, ndërsa theksoi se nuk do të merrej me përfoljet mbi këtë çështje.
TIRANE - Ministri i Ekonomisë, Tregtisë dhe Energjetikës, Edmond Haxhinasto, tha sot se po procesi i privatizimit të Albpetrol po vijon me verifikimin e dokumentacioneve, në përfundim të të cilave do të jepet edhe vendimi i komisionit, ndërsa theksoi se nuk do të merrej me përfoljet mbi këtë çështje.

“Nuk do të merremi shumë me përfolje, duhet të ndjekim procesin, procesi është krejtësisht ligjor, transparent. Janë administruar ofertat e dhëna nga kompanitë pjesëmarrëse. Është një periudhë e domosdoshme e verifikimit të dokumentacionit të paraqitur dhe shumë shpejt do të kemi vendimin përfundimtar të komisionit sa i takon ofertave që janë paraqitur për privatizimin e Albpetrolit”, u shpreh Haxhinasto gjatë inspektimit të punimeve në HEC-in Ashta 1 dhe Ashta 2, me një fuqi të instaluar prej rreth 50 MW.

Një javë para inaugurimit te Hidrocentralit te Ashtës (Ashta 1) dhe përmbylljes se fazës finale të vendosjes së agregateve energjetike, Haxhinasto u njoh me ecurinë e deritanishme të këtij investimi te rëndësishëm hidroenergjetik, prej 200 milion euro që pritet të gjenerojë 242 milion kilovat orë energji në vit dhe të sigurojë elektricitet për më se 100.000 familje shqiptare. Haxhinasto është shprehur se ky hidrocentral është një dëshmi e vullnetit të qeverisjes aktuale për zhvillimin ekonomik dhe zgjerimin e kapaciteteve infrastrukturore në shfrytëzimin e resurseve të mëdha hidrike që ka vendi.

“Kjo është një vepër shumë e rëndësishme, për zbatimin e së cilës është përdorur një teknologji dhe cilësi mjaft e lartë. Ky HEC do të ketë një impakt shumë pozitiv si për sektorin e energjetikës në veçanti, ashtu edhe për ekonominë e vendit në përgjithësi”, tha ministri Haxhinasto gjatë vizitës në HEC.

Ministri Haxhinasto tha se energjia e prodhuar nga HEC Ashta 1 dhe 2 shton kapacitetet për konsum të brendshëm, por gjithashtu do të përdoret edhe për eksport.

Kompanitë e njohura austriake ne fushën energjetike “VERBUND-International GmbH” dhe EVN janë pronarët e kompanisë “Energji Ashta” sh.p.k.

(Gre.M/Shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

U konfliktua me doganierin, nis hetimi për shefin e stacionit të Policisë Kufitare Kapshticë

U konfliktua me doganierin, nis hetimi për shefin e stacionit të Policisë Kufitare Kapshticë

14 Janar, 23:55