Privilegjet diplomatike/ Nga shoferët tek sekretarët, ja punonjësit me pasaporta shërbimi

Janë 81 kategori punonjësish të shtetit shqiptar, të cilët kanë të drejtë të pajisen me pasaporta shërbimi, një privilegj tjetër diplomatik ky, që e gëzojnë një rreth i ngushtë njerëzisht pranë funksionarëve të lartë. Kategoritë e punonjëseve, të cilët kanë të drejtë të pajisen me pasaportë shërbimi, pra me pasaportë jo të zakonshme, parashikohen në të njëjtin vendim që përcakton funksionarët dhe familjarët e tyre, të cilët mund të pashijen me pasaporta diplomatike. Bëhet fjalë për vendim Nr. 335, datë 2.9.1997, i nënshkruar nga ish-kryeministri Fatos Nano, por i ndryshuar 18 herë deri në vitin 2009. Po ku konsiston privilegji i pasaportës së shërbimit në raport me pasaportat e zakonshme? Personat që pajisen me pasaportë shërbimi mund të hyjnë pa viza në ato vende ku qytetarëve të tjerë shqiptarë u duhet të pajisen me vizë.  

Kategoritë

Vendimi parashikon që përpos gjyqtarëve, prokurorëve dhe drejtorëve kryesorë, kanë të drejtë të pajisjen me pasaporta shërbimi fotografi i presidentit bashkë me fotografin dhe kameramanin e kryeministrit. Po sipas këtij vendimi, për të cilin ministri i Jashtëm në Detyrë, Genc Cakaj, ka pohuar se do t’i kërkojë qeverisë që ta ndryshojnë, mund të pashijen me pasaporta shërbimi shoferët e krerëve më të lartë shtetit, por edhe shoferët e ministrave, Avokatit të Popullit, krerëve të Gjykatës së Lartë dhe Kushtetuese, guvernatorit të BSH, kreut të SHISH, kreu të KLSH etj. Gjithashtu, këtë privilegjet diplomatik e kanë edhe sekretarët e përgjithshëm të Avokaturës së Shtetit, FSHF-së dhe prefekturave, sekretarët e Akademisë së Shkencave, këshilltarët e ministrave, punonjësit administrativë e teknikë në Ministrinë e Jashtme dhe ambasada, shefat e sektorit të jashtëm të partive të përfaqësuara në Kuvend etj. Me pasaporta shërbimi mund të pasjen edhe shefat e kabineteve, kryetarët e bashkive, komisionerët e Avokatit të Popullit dhe shumica e administratës së Inspektoriatit të Lartë të Deklarimit dhe Kontrollit të Pasurive.   

Dorëzimi i pasaportave

Ashtu si për pasaportat diplomatike, vendimi nr. 335 parashikon që pas përfundimit të detyrës, pasaportat e shërbimit duhet të depozitohen pranë drejtorive të personelit të ministrive dhe institucioneve. Në rast se mbajtësi i pasaportës së shërbimit shkarkohet nga detyra, largohet nga puna apo emërohet në një detyrë tjetër, ai është i detyruar të dorëzojë pasaportën diplomatike ose të shërbimit. Ndërkaq, në rast mosdorëzimi të pasaportës diplomatike ose të shërbimit, Drejtoria Juridike e Konsullore e Ministrisë së Punëve të Jashtme njofton të gjitha përfaqësitë e huaja të akredituara në Tiranë për pavlefshmërinë e pasaportës së padorëzuar. Drejtoria Juridike e Konsullore, gjithashtu, njofton për sa edhe Ministrinë e Brendshme, e cila urdhëron të gjitha pikat e kalimit kufitar për moslejimin e daljes jashtë shtetit të mbajtësit të kësaj pasaporte, si dhe bllokimin e pasaportës.

81 kategori

81 kategori punonjësish të shtetit shqiptar kanë të drejtë të pajisen me pasaporta shërbimi, një privilegj tjetër diplomatik ky, që e gëzojnë një rreth i ngushtë njerëzisht pranë funksionarëve të lartë.

Dorëzimi

Ashtu si për pasaportat diplomatike, vendimi nr. 335 parashikon që pas përfundimit të detyrës, pasaportat e shërbimit duhet të depozitohen pranë drejtorive të personelit të ministrive dhe institucioneve

Punonjësit që kanë të drejtë të pajisen me pasaporta shërbimi

Fotografi i presidentit

Fotografi i kryeministrit

Kameramani i kryeministrit

Shoferët e Presidentit, kryetarit të Kuvendit, kryeministrit, ministrave, kryetarit të Gjykatës së Lartë, i Avokatit të Popullit Gjykatës Kushtetuese, kryeprokurorit, Guvernatorit të BSH, kreut të SHISH, kreu të KLSH, Sekretarit të Përgjithshëm të Këshillit të Ministrave

Nënkryetarët e KLSH

Drejtori i Përgjithshëm i ISSH

Zëvendësprokurorët e përgjithshëm

Prefektët dhe Sekretarët e Përgjithshëm të Prefekturave

Drejtorët e departamenteve pranë Qeverisë

Kryetari i Kryqit të Kuq Shqiptar

Drejtori dhe nëndrejtori i ATSH

Drejtori dhe nëndrejtori i RTSH

Drejtorët e bankave shtetërore

Drejtori i Përgjithshëm i Telekomit

Drejtori i Përgjithshëm i Arkivave të Shtetit

Drejtori i Drejtorisë së Doganave

Drejtori i Qendrës së Nxitjes së Investimeve të Huaja

Kryetarët dhe zëvendëskryetarët e komiteteve dhe drejtorët e drejtorive të përgjithshme dhe të drejtorive e agjencive të tjera në varësi të Këshillit të Ministrave

Drejtorët e drejtorive në Kryeministri dhe ministri

Nënkryetarët dhe sekretarët e Akademisë së Shkencave

Këshilltarët e ministrave

Korrespondentët e përhershëm të shtypit shtetëror

Rektorët dhe zëvendësrektorët e universiteteve

Drejtori i Përgjithshëm i Rezervave të Shtetit

Nënkryetarët, sekretarët e përgjithshëm dhe shefat e sektorit të jashtëm të partive të përfaqësuara në Kuvend

Kryetarët e komuniteteve fetare

Zëvendësshefat e Shtabit të Përgjithshëm

Komandanti i Gardës së Republikës

Punonjësit administrativë e teknikë të MPJ

Drejtori, kryeredaktori dhe shefi i sektorit me jashtë të gazetave të përditshme të karakterit informativ e politiko-shoqëror, me tirazh mbi 5000 kopje

Kryetari i Komitetit Olimpik

Sekretari i Përgjithshëm i FSHF-së

Trajneri i Ekipit Kombëtar në futboll

Nënkryetarët dhe drejtorët e SHIK-ut

Zëvendësguvernatori i Bankës së Shqipërisë

Drejtorët e drejtorive në Presidencë

Drejtorët e drejtorive në Gjykatën Kushtetuese

Drejtorët e drejtorive në Prokurorinë e përgjithshme

Kryetari i Institutit të Integrimit të të përndjekurve politikë

Punonjësit e sektorit të marrëdhënieve me jashtë të Kuvendit;

Dy gazetarë të Departamentit të Informacionit në ATSH;

Dy gazetarë të Departamentit të Informacionit në Radio

Dy gazetarë dhe dy kameramanë në TVSH;

Komisionerët e Avokatit të Popullit

Shefi i Kabinetit në Avokatin e Popullit

Këshilltarët e Avokatit të Popullit

Drejtori i Përgjithshëm i institucionit të Avokatit të Popullit

Drejtori i Marrëdhënieve me Jashtë në Avokatin e Popullit

Drejtori i Përgjithshëm i Agjencisë së Kredive

Drejtori i Drejtorisë së Përafrimit të legjislacionit me atë të BE

Nënkryetarët e Këshillit Kombëtar të Punës

Kryesia e Dhomës Kombëtare të Avokatisë

Kryetarët e dhomave të avokatisë në rrethe

Sekretari i Përgjithshëm i Avokaturës së Shtetit

Drejtori i marrëdhënieve me jashtë në KQZ

Kryetarët e këshillave të qarqeve

Kryetari dhe zëvendëskryetari i ERE

Kryetari i Komisionit Kombëtar Rregullator të sektorit të ujit

Avokati i Prokurimeve

Inspektorët e KLD (KLGJ)

Kryetarët e bashkive

Drejtuesit e prokurorive të apelit

Gjyqtarët e gjykatave të shkallës së parë

Titullari i institucioneve qendrore, në varësi të qeverisë

Nënkryetari dhe sekretari i përgjithshëm i Komunitetit Mysliman

Zëvendëspresidenti i Konferencës Ipeshkvnore të Shqipërisë;

Zëvendëskryepeshkopi dhe sekretari i përgjithshëm i Kishës Ortodokse

Zëvendëskryegjyshi i Kryegjyshatës Botërore Bektashiane

Inspektor i ILDKP

Drejtor i Marrëdhënieve me Publikun i ILDKP

Këshilltari për marrëdhëniet me jashtë në i ILDKP

Ndihmës inspektor i ILDKP

Drejtor i Marrëdhënieve me Publikun i ILDKP

Sekretar i Përgjithshëm i ILDKP

Drejtor i kabinetit i ILDKP

Kryetari i AMF

Kryetari i Komitetit Shtetëror për Kultet

Këshilltarët e komisionerit për të dhënat personale

Drejtorët e komisionerit për mbrojtjen e të dhënave personale

Kryetar i zyrës vendore në Avokaturën e Shtetit

Juristët pranë zyrës së përfaqësimit në gjykatat e huaja

G.M./r.k./Shqiptarja.com

TAG:
• kqz
• pasaporta diplomatike