POP 5

Lajmet më të lexuara të 5 minutave të fundit

Politikë

Pr/ligji për prefektin kalon në Komisionin e Ligjeve, Opozita: Doni të kontrolloni prefektin që emëroni vetë! Rithemelimi deklaron votën kundër

Pr/ligji për prefektin ka kaluar në Komisionin për Çështjet Ligjore dhe Administratën Publike. Ministri I Brendshëm Taulant Balla i cili ishte sot në komision për të mbrojtur ligjin prezantoi dhe ndryshimet të cilat sipas tij ridimensionojnë rolin e Prefektit të Qarkut, qoftë në nivel vendor qoftë sa i përket ushtrimit të detyrës dhe po ashtu të përgjegjësive.

TIRANE- Pr/ligji për prefektin ka kaluar në Komisionin për Çështjet Ligjore dhe Administratën Publike. Ministri I Brendshëm Taulant Balla i cili ishte sot në komision për të mbrojtur ligjin prezantoi dhe ndryshimet të cilat sipas tij ridimensionojnë rolin e Prefektit të Qarkut, qoftë në nivel vendor qoftë sa i përket ushtrimit të detyrës dhe po ashtu të përgjegjësive.

Një nga risitë ka të bëjë me faktin se Prefekti i Qarkut verifikon ligjshmërinë e akteve me karakter normativ të organeve të vetëqeverisjes vendore. Po ashtu me propozim të prefektit të qarkut pranë njësive të qeverisjes vendore do të ngrihen këshillat vendorë të sigurisë publike për kryerjen e funksioneve të veçanta për rendin dhe sigurinë publike, për kryerjen e funksioneve të veçanta për rendin dhe sigurinë publike.

Ky këshill vendor do të ketë dhe një task forcë i cili do të zbatojë dhe koordinojë paketën e sigurisë në shkolla.

Balla foli dhe për krijimin e një këshilli kombëtar për sigurinë në komunitet, ‘i cili rregullat, përbërja dhe funksionimi i tyre, qoftë i këshillave vendorë të sigurisë publike, qoftë i këshillit kombëtar  për sigurinë në komunitet, do të përcaktohen me vendim të Këshillit të Ministrave, pasi të jetë miratuar ligji nga ana e kuvendit”

Sa I takon përballimit të emergjencave civile, prefekti  do të bëjë koordinimin në nivel qarku i veprimeve në terren i njësive të FA, bazuar edhe në planin kombëtar të emergjencave civile.

Po kështu me ndryshimet e reja, në momentet kur prefekti dorëhiqet apo largohet nga detyra për arsye  nga më të ndryshmet, detyrën e tij e merr nënprefekti i cili me ligjin e ri është parashikuar që të mos kandidojë qoftë për zgjedhjet në kuvend, apo për organet e qeverisjes vendore, njëlloj siç parashikohet edhe për prefektin.

Deputetja demokrata Dhurata Çupi thotë se ky ligj nuk sjell ndryshim apo i jep vlerë të shtuar prefektit.

“Sa I takon këshillave vendore Çupi tha se ata nuk mund të parashikohen në ligjin për prefektin por në ligjin për qeverisjen vendore që do të dojë votim tjetër, dhe kërkon shumicë të cilësuar e procedurë tjetër diskutimi. Nëse këto këshilla vendore janë pranë prefektit mendoj se cënojnë ato pak autonomi që kanë bashkitë. Me këtë ligj kontrolloni në mënyrë edhe më autoritare prefektin edhe pse e emëroni vetë. Nuk pashë risi që nuk e kishte ligji” tha Çupi.

Edhe deputetët e grupit të PD-se se Rithemelimit paralajmëruan votën kundër.

'Sa kohë nuk ka asnjë përmirësim apo rol të shtuar prefektit apo mekanizëm koordinues që do i jepte prefektit një rol në mbrojtje të interesit publik padiskutim vota jonë do jetë kundër' tha Gazment Bardhi.

S.G/S.Ç/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu