POP 5

Lajmet më të lexuara të 5 minutave të fundit

Ekonomi

Pr/ligji, pesticidet e paregjistruara s’do përdoren në bujqësi! Zv. Ministri: Synojmë rritjen e cilësisë së produkteve

Pesticidet apo produktet plehëruese që do të përdoren në bujqësi nga fermerët do të regjistrohen të gjitha përpara se të hidhen në qarkullim. Kjo me synim uljen e abuzimeve dhe rritjen e cilësisë së produkteve bujqësore, që parashikohet në një projektligj të hartuar nga Ministria e Bujqësisë. Por për përfaqësuesit e fermerëve regjistrimi dhe kryerja e analizave për produktin rrit kostot deri me 50 mijë lekë për çdo individ që shet produkte të tilla.

TIRANË- Të gjitha produktet plehëruese që përdoren në bujqësi nga fermerët tashmë përpara se të hidhen në treg do të regjistrohen. Ky është qëllimi i projektligjit të hartuar nga ministria e Bujqësisë "Për produktet plehëruese" dhe që synon ndalimin e produktet plehëruese si kimike ashtu edhe organike në tregun vendas që nuk janë të paregjistruara më parë në listën e produkteve që lejohen. Por për grupet e interesit që përfaqësonin në Komisionin e Veprimtarisë Prodhuese të gjithë fermerët ky projekt ka kosto për biznesin që arrin deri në 500 mijë lekë të vjetra për regjistrim dhe analizim të plehut kryesisht organik.

“Unë po them përafërsisht nuk e di me saktësi, por një dosje (regjistrim dhe analizim) shkon deri në 500 mijë lekë të vjetra”, thonë grupet e interesit.

Ai që preket direkt nga këto ndryshime është fermeri. Kryetari i këshillit të Agro-biznesit, Agim Rrapaj thotë se në këtë projektligj nuk janë bërë analizat për kostot e fermerit.

“Është llogaritur kostoja buxhetit publik por nuk është llogaritur kostoja e buxhetit privat. Sa do harxhojnë privatët për të hartuar këtë ligj. Në Shqipëri futen rreth 10 mijë ton plehra organike, nuk është e nevojshme të hynë por ne nuk kemi fabrika që të prodhojmë”, u shpreh Rrapaj.

Ndërkohë zëvendësministri i Bujqësisë Dhimitër Kote tha në Komision se ky projektligj garanton cilësinë e produktit bujqësor dhe eliminon abuzimet me pesticidet.

“Plehrat që kompania sjell dhe bën kërkesën tek grupi për të regjistruar një pleh, duhet të sjell të gjitha të dhënat e plehut, pastaj kalon në komision, verifikohet, sjell kampionin dhe i bëhet analiza në laborator. Dhe pasi vjen përgjigja nga të gjitha institucionet, komisioni në mënyrë analitike gjykon dhe thotë po hyn apo jo. Nëse plehu nuk është i regjistruar ai nuk futet në treg. Rrisim imunitetit e bimës për ti mbijetuar sëmundjes. Përgatisim një bimë të shëndetshme dhe kemi një ushqim më të sigurt. Mendojmë se me këtë ligj konkurrenca do të ngelet forca kryesore lëvizëse”, tha zëvendësministri i Bujqësisë Dhimitër Kote.

Tanimë çdo kompani që do të shes pleh kimik apo organik së pari duhet ta regjistroi më pas do të analizohet nga një këshill i posaçëm që do të ngrihet sapo të miratohet ligji dhe vendoset nëse do hidhet në treg. Vend të rëndësishëm në këtë draft zënë laboratorët e kontrollit cilësor të produkteve plehëruese si dhe sistemi i gjurmimit.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Albani: 28/01/2020 17:57

    Faji bie mbi ministrin i cili lejone pesticide kancerogjene, e qe BE ka te ndaluara me ligj.Sikur s ka shtet!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46