POP 5

Lajmet më të lexuara të 5 minutave të fundit

Ekonomi

Procesi i Berlinit, çfarë u përfitua dhe mesazhet kryesore! BE 6 mld € Ballkanit Perëndimor, vetëm 2 mld janë grante

Nga Tirana që mbajti Samitin e procesit të Berlinit, liderët e BE-së prezantuan planin 6 miliardë euro për 6 shtetet e Ballkanit Perëndimor që aspirojnë integrimin, dhe rrugët për t’i përfituar ato. Liderët e BE thanë se pranimi i Ballkanit në familjen evropiane është proces i vonuar

Samiti i Procesit të Berlinit, i pari në një vend jashtë kufijve të BE-së e ktheu Tiranën në kryeqendrën e Evropës. Liderët e Bashkimit Evropian, kancelari gjerman, Olaf Scholz, shtetit iniciator të këtij, procesi dhe krerët e Ballkanit Perëndimor,  u bënë bashkë për të zgjeruar shtigjet e bashkëpunimit drejt rrugëtimit të përbashkët të 6 shteteve që aspirojnë integrimin.

“Ky ka qenë një samit i shkëlqyer. Ne duam të ecim përpara, dhe ne duam të ecim më shpejt. Le të kapim momentin."- u shpreh Ursula

6 miliardë euro është fondi i vënë në dispozicion nga BE si pjesë e Planit të Rritjes, 2 miliardë euro grante dhe 4 miliardë euro kredi, i ndërtuar në 4 shtylla, i cili ka fuqinë të dyfishojë ekonomitë e Ballkanit, por që për t’i përfituar i duhet të bëjnë detyrat e shtëpisë. 6 shtetet Ballkanit Perëndimor duhet të punojnë mes tyre për një treg të përbashkët rajonal, që sipas presidentes të Komisionit Evropian, Ursula Von del Leyen, do të rriste me 10% ekonominë e Ballkanit Perëndimor.

“Nëse duam t'i japim akses Ballkanit Perëndimor në Tregun e Vetëm Evropian, duhet të ketë një fushë loje të barabartë, të njëjtat rregulla dhe standarde. Fondet do të lirohen me zbatimin e reformave që do ta bëjnë Ballkanin Perëndimor edhe më tërheqës për investitorët evropianë .Ajo që është në dorë të BE-së, është hapja e tregut evropian, ku u jepet e drejta kompanive të Ballkanit Perëndimor të investojnë pa pengesa procedurale në tregun e Bashkimit Evropian në 7 fusha kryesore.’- tha Ursula Von Der Lyen, presidente e KE. 

Megjithë sfidat e reformave ekonomike e politike që do ta afronin më shumë anëtarësimin në familjen evropianë, për kryeministrin Edi Rama Samiti i procesit të Berlinit i mbajtur në Tiranë, jep sinjale pozitive, pasi BE-ja është gati të zgjerohet.

“Është shumë ndryshe tani. Ky Komision po i ndryshon gjerat që ishin të paimagjinueshme për ne para 2 vitesh”- tha Rama.

“Ne do e bëjmë këtë dasmë. Plani ynë është serioz për të ardhmen e BE-së”- tha Charls Michel presidenti i Këshillit Europian.

Për kancelarin gjerman Olaf Scholz integrimi është i vonuar.

 “Duhet të ishte bërë tashmë. 20 vite janë shumë dhe tani duhet të ecim shumë më shpejt”- u shpreh Scholz.

Për presidentin e KE-së synimi për anëtarësimin e Ballkanit Perëndimor brenda vitit 2030, më shumë se sa çështje afatesh, është gjithçka e bazuar në merite

Në samitin liderët e Ballkanin Perëndimor firmosën marrëveshjen që zgjeron përtej mjekëve, stomatologëve dhe arkitektëve, njohjen e kualifikimeve profesionale të infermierëve, veterinerëve, farmacistëve dhe mamive në kontekstin e marrëveshjes së tregtisë së lirë të Evropës Qendrore, (CEFTA).

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Tjetër hap fals, Barcelona barazon 2-2 në Vigo! Celta i shënon dy gola në fund

Tjetër hap fals, Barcelona barazon 2-2 në Vigo! Celta i shënon dy gola në fund

23 Nëntor, 22:59