POP 5

Lajmet më të lexuara të 5 minutave të fundit

Kronikë

Procesi “Frroku”, Prokuroria thërret
Agron Kuliçajn dhe Tonin Vocajn

Në procesin ndaj biznesmenit Arben Frroku i pandehur për vrasjen e kryepolicit Dritan Lamaj një vit më parë, pritet të dëshmojnë Agron Kuliçaj dhe tonin Vocaj, të cilët kanë drejtuar asokohe hetimet për vrasjen e Lamajt. Ky vendim është marrë nga Gjykata e Krimeve të Rënda pas kërkesës së Prokurorisë, ku veç hetimeve dhe operacionit të ngritur për kapjen e autorëve një burim pranë Krimeve të Rënda tha për “A1 Report” se Kuliçaj dhe Vocaj do të pyeten dhe për njohjet personale me biznesmenin Frroku. VIDEO
TIRANE - Gjykata e Krimeve të Rënda ka pranuar në seancën e 29-të në procesin ndaj biznesmenit Arben Frroku i pandehur për vrasjen e kreut të policisë së kombinatit Dritan Lamaj, kërkesën e Prokurorisë për të thirrur në cilësinë e dëshmitarit në këtë proces ish-numrin dy të Policisë së Shtetit Agron Kuliçaj dhe ish-drejtorin Tonin Vocaj.
 
Kuliçaj dhe Vocaj do të dëshmojnë në lidhje me operacionin e ngritur pas vrasjes së Lamajt, si dhe me hetimet e kryera nga Policia e Shtetit për vrasjen e ish-shefit të komisariatit të Kombinatit.
 
Ky fakt konfirmohet për “A1 Report” nga një burim pranë Prokurorisë së Krimeve të Rënda, ku dy ish-drejtuesit e Policisë së Shtetit do të pyeten dhe për njohjet personale me biznesmenin e pandehur, si dhe në lidhje me foton e publikuar pas vrasjes së Lamajt ku Kuliçaj dhe Vocaj drekonin në shoqërinë e Frrokut, foto e cila asokohe u etiketua si grupi çiftelia.
 
Në seancën e sotme Gjykata kishte planifikuar marrjen e dëshmisë nga bashkëshortja e Arben Ndokës, dëshmitarit të mbrojtur, por kjo dëshmi është lënë për të mërkurën e ardhshme pasi trupa gjyqësore ka vendosur të marrë në shqyrtim disa prova shkresore.
 
Burime nga gjykata bënë me dije për “A1 Report” se pas administrimit të dëshmisë me videokonferencë nga Arben Ndoka, i cili mësohet të ketë rikonfirmuar se natën e vrasjes së Lamajt ka parë Frrokun ne automjetin BMW, ky proces pritet të mbyllet brenda muajit nëntor.
 
Arben Frroku akuzohet për vrasjen e Dritan Lamajt shkurtin e vitit të shkuar, ndërsa kjo akuzë nga vetë Frroku nuk është pranuar asnjëherë duke deklaruar se gjyqi ndaj tij është një farsë e Prokurorisë e cila e sulmon për arsye politike.

Redaksia Online
(Shqiptarja.com)

/Shqiptarja.com
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Mourinho bën 'shopping' në Paris, Milan Skriniar përforcon Fenerbahcen

Mourinho bën 'shopping' në Paris, Milan Skriniar përforcon Fenerbahcen

22 Janar, 21:52