POP 5

Lajmet më të lexuara të 5 minutave të fundit

Ekonomi

Prodhimi ditor në fushën e naftës të Patos-Marinzës arrin 11 mijë fuçi, Bankers Petroleum: Rrisin investimet, arrijmë në nivelet e para pandemisë

Prodhimi ditor në fushën e naftës të Patos-Marinzës ka arritur në rreth 11 mijë fuçi. Sipas kompanisë koncesionare Bankers Petroleum Albania, në të gjithë fushën aktualisht ka mbi 630 puse aktive, ku më shumë se 70% e tyre janë puse prodhimi dhe pjesa tjetër janë puse injektimi dhe depozitues.

Prodhimi ditor në fushën e naftës të Patos-Marinzës ka arritur në rreth 11 mijë fuçi. Sipas kompanisë koncesionare Bankers Petroleum Albania, në të gjithë fushën aktualisht ka mbi 630 puse aktive, ku më shumë se 70% e tyre janë puse prodhimi dhe pjesa tjetër janë puse injektimi dhe depozitues.

Kompania planifikon të rrisë investimet në fushën e naftës në mënyrë që të rrisë prodhimin dhe të arrijë nivelet para pandemisë. Në shtator 2021, çmimet e naftës Brent u rritën mbi 80 dollarë amerikanë / fuçi në krahasim me rreth 40 dollarë / fuçi vitin e kaluar, gjë që mundëson rritjen e investimeve në këtë sektor.

Në total, gjatë 8 muajve të parë të vitit 2021, rreth 440 mijë tonë naftë bruto u prodhuan në Patos-Marinzë. Drejtuesit e Bankers janë optimistë se prodhimi do të përmirësohet në muajt e ardhshëm falë jo vetëm rritjes së investimeve, por edhe përmirësimit të efikasitetit në operacionet e përditshme të prodhimit të naftës.

Pjesa më e madhe e naftës bruto të prodhuar nga fusha e naftës Patos-Marinzës është eksportuar në tregjet e huaja për shkak të kapaciteteve të ulëta të rafinerive vendase.

Nafta e prodhuar në fushën Patos-Marinzës përbën mbi 90% të totalit të naftës së prodhuar në vend.

Kompania ka ndikim të rëndësishëm në pagesat e taksave për buxhetin e shtetit si dhe për njësitë e qeverisjes vendore. Në total, mbi 800 milionë dollarë taksa janë paguar që prej vitit 2014.

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Maks: 02/10/2021 07:45

    Ky koncesiinari paska pagu 800 milion taksa per 7 vjet po vet sa ka fituar apo kjo esht sekret

    Përgjigju
    • Operatori: 03/10/2021 01:55

      Ka fituar plot. Por se kuptoj si mburren me 11 mije fuci nafte prodhim ditor. Ne kohen e kanadezve arriten te prodhonin dhe 20 mije fuci nafte ne dite. Kinezet po e groposin Marinzen jo po e zhvillojne.

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46