Ish-drejtori i çështjeve evropiane në Këshillin e Sigurisë Kombëtare të SHBA-ve, Charles Kupchan, thotë se disa nga lëvizjet e kryeministrit kosovar Albin Kurti kanë qenë provokuese për Uashingtonin zyrtar.
Ai shprehet se nuk ka ftohje të raporteve mes Kosovës dhe Shteteve të Bashkuara të Amerikës, teksa vlerëson dhe se “nuk është momenti i duhur që në këtë fazë të hapet ura mbi lumin Ibër, për qarkullimin e lirë të automjeteve”, siç edhe po insiston qeveria e Kosovës në krye me Albin Kurtin.
Kjo deklaratë u bë për televizionin kosovar “Tëvë1”.
Profesori amerikan, Charles Kupchan, thotë se kryeministri Kurti mund të ketë të drejtë politike për ta hapur urën, por se “nuk do të ishte gjëja e duhur për ta bërë tani”. Sipas Kupchan, këto lëvizje të kryeministrit kosovar po shihen si të njëanshme nga komuniteti ndërkombëtar.
“Vetëm pse kryeministri ka të drejtë politike dhe ligjore për të hapur urën, nuk është patjetër gjëja e drejtë për t’u bërë kur jemi te qëllimi i gjerë i normalizimit të marrëdhënieve me Serbinë, me qeverinë në Serbi, dhe te krijimi i një situate paqësore dhe drejt progresit në Kosovë. Prandaj brengosem që nëse kryeministri Kurti lëviz njëanshëm, ai nuk e ka pajtimin e serbëve në veri, pajtimin e Beogradit, nuk e ka përkrahjen e SHBA-së dhe vendeve të NATO-s. Kjo lëvizje mund të bëjë më shumë keq se mirë”, ka thënë ai.
Ish-drejtori i çështjeve evropiane ka komentuar edhe për raportet mes qeverisë së Kosovës dhe Uashingtonit zyrtar.
“Jo, urrej ta quaj ndarje apo një ftohje që do të ishte term pak i vrazhdët. Por mendoj se kur shikon mandatin e kryeministrit Kurti, dhe sheh zgjedhjen e kryetarëve të komunave në veri nga një pakicë shumë e vogël, ndërrimin e tabelave të regjistrimit të veturave, çështjen e letërnjoftimeve, e monedhës, ka një pikëpamje në SHBA, në Uashington që kryeministri Kurti nganjëherë ndërmerr hapa që janë provokues, që nuk janë në frymën e lëvizjes drejt normalizimit, dhe implementimit të marrëveshje të cilën BE-ja e ka vendosur në tavolinë, ndonëse palët nuk kanë nënshkruar marrëveshjen, kanë deklaruar përkrahjen e saj”, shprehet profesori amerikan.
Departamenti amerikan i Shtetit i ka kërkuar Qeverisë së Kosovës që të rikthehet në angazhim konstruktiv dhe të ngushtë me Uashingtonin, Bashkimin Evropian dhe NATO-n.
Në të njëjtën kohë, SHBA-të i kanë bërë thirrje qeverisë së Kosovës që të mos e hapin për qarkullim urën mbi lumin Ibër, pasi që sipas tyre kjo mund të nxisë tensione në pjesën veriore të vendit.
Lajme të tjera
-
Frika e NATO-s nëse Trump kthehet në pushtet, përgatitje për një skenar ekstrem
5 Nëntor, 09:42 -
Biografia/ Donald J. Trump: Një rrugëtim i pazakontë drejt presidencës
5 Nëntor, 09:06 -
Biografia e Kamala Harris: Nga bijë emigrantësh, tek një emërim historik për presidente
5 Nëntor, 09:02 -
Guida/ Votimet, rezultatet dhe shpallja e fituesit, oraret dhe rregullat! Gjithçka që duhet të dini për zgjedhjet presidenciale
5 Nëntor, 08:40 -
'Amerika Vendos!' Report Tv e Shqiptarja.com transmetim maratonë sot në mbrëmje, nisim në 21:00
5 Nëntor, 08:33 -
Sot Amerika vendos/ Hapen qëndrat e votimit në 8 shtete! Mbi 244 milionë qytetarë me të drejtë vote! Garë e ngushtë presidenciale mes Kamala Harris dhe Donald Trump
5 Nëntor, 07:21 -
Zgjedhjet presidenciale në SHBA, nata e gjatë e zgjedhjeve të 5 nëntorit! Ja çfarë do të ndodhë orë pas ore
4 Nëntor, 19:15 -
Përse Wisconsin është thelbësor në garën presidenciale të vitit 2024?
4 Nëntor, 18:47 -
Biden: Rizgjedhja e presidentes proevropiane në Moldavi, dëshmi e 'dështimit' të Rusisë
4 Nëntor, 18:19 -
Zgjedhjet në SHBA, Monika Lewinsky thirrje amerikanëve: Unë e hodha votën për Harris! Votoni edhe ju
4 Nëntor, 18:15 -
Çfarë do të thotë hapja e kufirit energjetik mes Kosovës dhe Serbisë?
4 Nëntor, 17:42 -
Harris dhe Trump përgatiten për beteja ligjore nëse nuk do të ketë fitues të qartë
4 Nëntor, 16:07
