POP 5

Lajmet më të lexuara të 5 minutave të fundit

Politikë

Programi i PD/ Basha ‘zgjidh’ ngërçin e pronave: I kthejmë 100% te i zoti! KLSH bëhet gjykatë auditi, vetting anëtarëve! Premtimet për pensionistët, fermerët e të rinjtë

Premtimet e Lulzim Bashës ishin ambicioze edhe kur vjen puna tek çështje të pazgjidhura prej vitesh siç është ajo e pronave. Ai garantoi kthimin 100% te i zoti, ndërsa për të luftuar korrupsionin, Basha tha se do të fokusohet tek hetimi i kontratave koncensionare duke aplikuar një moratorium 1-vjeçar.

Me një ndjesë publike që Partia Demokratike nuk arriti të zgjidhte çështjen e pronave në Shqipëri, Lulzim Basha e ktheu këtë çështje në një prej pikave kryesore të programit të tij.

Me një premtim ambicioz, kryedemokrati Basha garantoi zgjidhjen e ngërçit të pronave dhe kthimin tek ish-pronarët në masën 100%. Ato që janë të lira do të shkojnë tek i zoti, ndërsa pjesës tjetër do t’i garantohet kompensimi.

“Ky angazhim nuk merret lehtë, fatura është mbi 8 miliardë euro. Marrim përsipër brenda dy viteve të para të qeverisë  tonë krijimin e obligacionit për pronarët me vlerën e plotë të tregut për pronat e shpronësuar nga regjimi komunist, të paguar çdo vit në masën 1/20, të tregtueshme që në masën e emetimit, emetimi me vlerë të plotë i obligacionit të shtetit shqiptar për gjithë pronarët e shpronësuar të Shqipërisë”, tha Basha.

Në programin për drejtësinë, PD garanton mbështetje ndaj SPAK me burime financiare dhe njerëzore, dhe reformim të thellë të Kontrollit të Lartë të shtetit duke e shndërruar në Gjykatë Auditi.

“Anëtarët e saj të vetohen para emërimit, kryetari të zgjidhet nga Kuvendi me shumicë të cilësuar, bazuar në propozimi e opozitës, vendimet e saj të jenë titull ekzekutiv”, thuhet në programin e shpalosur këtë të shtunë.

Për luftën ndaj korrupsionit dhe mirëqeverisjen, PD propozon aplikimin e ligjit anti-mafia për verifikimin e kontratave koncensionare, PPP-ve dhe partneriteteve  strategjike. Ndërsa për të hetuar dhe verifikuar të gjitha kontratat e qeverisë Rama që PD i quan korruptive do të ndërmarrin një moratorium 1-vjeçar për të rishikuar të gjitha kontratat PPP.  Reformim të thellë premton edhe në Inspektoratin Kombëtar, duke bashkuar sigurinë Ushqimore, të Shëndetit Publik dhe atë teknike në një të vetme.

Për pensionistët premtimi këtë herë shkoi jo vetëm për rritje pensioni por edhe për një bonus periodik prej 250 mijë lekësh.

Mbështetje garantuan edhe për fermerët me 100 mln euro subvencion për bujqësinë dhe blegtorinë ndërsa 50 mln euro mbështetje në infrastrukturë për 150 mijë fermerë. Programi i PD parashikon mbështetje për sistemin arsimor duke garantuar 60% rritje të pagave për mësuesit, infrastrukturë moderne, siguri për fëmijët dhe drekë të garantuar për të gjithë nxënësit.

Ndërsa për arsimin e lartë, PD-ja e Lulzim Bashës premton dy-fishim të buxhetit dhe ndërtimin e 3 kampeve universitare, në Tiranë, Elbasan dhe Shkodër brenda mandatit të parë.

Programi elektoral i PD-së për zgjedhjet 2025
1- Fondi për mirëqënien e familjes
-  2,000 për çdo bebe. 20 mijë euro për femijën e tretë për cdo familje shqiptare
-  30 mijë çifte do të përfitojnë subvencionimin e plotë të interesave të kredive për banesat
2- Mendje e shëndoshë në trup të shëndoshë
    Arsimi parauniversitar
- Drekë falas për nxënësit në të gjithë shkollat 9 vjeçare dhe në shkollat e mesme
- Shkollë deri në 16:00, me kurse kompjuteri, gjuhë të huaja, klasa arti dhe klasa sportive
- Libra falas dhe mjete didaktike falas për fëmijët e familjeve në nevojë.
3 -‘Next generation’ 
   Arsimi universitar
-Brenda 4 viteve trajnim profesional 25 mijë të rinjve në fushën e teknologjisë së informacionit për të qenë të gatshëm në treg me një pagë mesatare jo më pak se 2 mijë euro në muaj
-Trajnimi në 4 kampuse kombëtare të mëdha me një vlerë totale afro 1 miliardë euro
-Kurse profesionale e praktikë pune për 5 mijë të rinj pa universitet
-Për 5 mijë studentëve të sapodiplomuar u paguat stazh pune 1 vit me rrogën minimal
4. Flat Tax 9 %
-Taksë e sheshtë 9%
-Tatim për të ardhurat personale 9%
-Dividenti me taksën e sheshtë 9%
5. Profesionet e lira tatim 9%
- Bizneset e vogla nën14 milionë lekë të reja, pra nën 140 mijë euro, nuk do të jenë subjekt i kësaj takes. E vetmja taksë për bizneset e vogla do të jenë -taksat dhe tarifat e pushtetit vendor
- Kufiri për tatimin 0 mbi pagat do të jetë 600 mijë lekë të vjetra
- Mbi 600 mijë lekë të vjetra diferenca do të tatohet me një shkallë të vetme 9%.
6- Reforma e pronës
-Kthim i menjëhershëm i pronës aty ku është e lirë
-Kompensim me vlerë tregu në pronën ku është zënë.
-Brenda dy viteve të para krijojmë obligacionin/bonove nga shteti, që paguhen çdo vit me 1/20 e vlerës. 
- Regjistrim i pronave me parimin Uti Posidetis (Kush e ka e gëzon, kujt i është zënë do të shpërblehet me vlerën e tregut me obligacionin shqiptar për pronarët. 
7- Mbështj për familjet fermere
-Çdo vit do të akordohen 100 milion euro subvencion direkt për bujqësinë dhe blegtorinë
-50 milion euro në infrastrukturë, për mbështetje të drejtëpërdrejtë Përfitues 150 mijë fermerë.
8- Pensionet
- Rritje vjetore. Pensionet e ulëta do të kenë bonus periodik prej 250 mijë lekësh. Brenda mandatit 1 rivitalizojmë skemën e pensioneve. Zhdukim diferencën e madhe mes pensioneve të vogla e të larta.
9 - Statusi i të përndjekurit
Akti i parë i Bashës që do firmos në qeveri miratimi i këtij statusi me vlerë monetare të barabartë me statusin e ish ushtarakut.
10- Shqiptarët për Shqipërinë
5000 djem dhe vajza të moshës 18-22 vjec qe angazhohen ne 4 vite sherbim aktiv ne forcat e armatosura, bashke me trajnimin marrin nje profesion ose diplomohen me shpenzimet e shtetit. Paguhen si rezervistë deri në moshën 45 vjec.
11. Krijohet Xhandarmëria Kombëtare - 1 mijë efektivë
12- Do të mundësojë heqjen e vizave me SHBA brenda 4 viteve tona të para
13- KLSH do të shndërrohet në gjykatën e auditit

SI.E./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të lejohet mjeku të punojë njëkohësisht në spital publik e privat?

Lajme të tjera



×

Lajmi i fundit

Në një dekadë Shqipëria “humbi” 300 mijë të rinj! Eksperti: S’ka meritokraci, nuk promovohen në punë

Në një dekadë Shqipëria “humbi” 300 mijë të rinj! Eksperti: S’ka meritokraci, nuk promovohen në punë

2 Korrik, 15:02 nga Eliza Gjediku