Në raportin e fundit të Komisionit Evropian për progresin e Shqipërisë, ndër të tjera thuhet se Shqipëria ka bërë progres në kapitullin e 9, që i takon shërbimeve financiare, ku përfshihen sektori bankar, ai i sigurimeve, pensioneve vullnetare, si edhe shërbimet e investimeve dhe tregjet e kapitalit.
“Shqipëria ndodhet mes një niveli të moderuar dhe të mirë përgatitjeje në fushën e shërbimeve financiare. Është bërë njëfarë progresi në rekomandimin e vitit të kaluar për përmirësimin e ekzekutimit të kolateralit nga përmbaruesit, pasi u trajtua çështja ligjore në pritje për tarifat e shërbimit, dhe gjithashtu pati përparim në përafrimin e legjislacionit kombëtar të tregut të kapitalit me acquis përkatëse të BE-së dhe në përfshirjen e financimit të qëndrueshëm”, thuhet në raportin e KE.
Vlerësimi vijon më tej duke lënë edhe disa rekomandime që duhet të plotësohen në kuadër të përafrimit të legjislacionit me BE.
Në vitin e ardhshëm, Shqipëria duhet: të vazhdojë punën drejt përafrimit të plotë të rregullores bankare me versionet e rishikuara të acquis të BE-së për CRR/CRD dhe BRRD; rritja e përpjekjeve për të harmonizuar më tej legjislacionin në fushat e pensioneve private dhe në tregjet e kapitalit me acquis përkatëse të BE-së; të vazhdojë të punojë drejt përafrimit me Direktivën Solvency II.
Ministri i Financave Ervin Mete, që ka drejtuar edhe negociatat për këtë kapitull deri më 14 shtator të këtij viti shprehet se ky është kapitulli ku me përparimin e bërë Shqipëria ka lënë pas vendet e tjera të rajonit.
“Përparimi i ndjeshëm në Kapitullin 9 Shërbimet Financiare e vendos Shqipërinë përpara gjithë vendeve të tjera të rajonit në këtë fushë, referuar gjetjeve të Progres Raportit të Komisionit Evropian. Me avancimin nga “mesatarisht i përgatitur” në “mesatarisht i përgatitur/nivel i mirë përgatitjeve”, Kapitulli 9 është i vetmi ku Shqipëria rezulton më e avancuar edhe krahasuar me vendet që i kanë hapur më herët negociatat e anëtarësimit. Kënaqësi e posaçme ushtrimi i detyrës së Negociatorit të Kapitullit 9 deri në shtator 2023, aty ku tashmë Shqipëria vlerësohet për progresin e kryer në harmonizimin e kuadrit ligjor e rregullator me acquis të BE-së”, thotë ministri Mete.
Lajme të tjera
-
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
-
Buxheti 2025/ Si do të shpërndahen 8 miliardë euro! Fjala e plotë e ministrit të Financave Petrit Malaj
18 Nëntor, 14:33 -
‘Harrohet’ sigurimi i detyrueshëm i banesës! Cila është skema e re që propozojnë socialistët? Primi i sigurimit të zbritet nga të ardhurat vjetore të qytetarëve
9 Nëntor, 20:44
-
SHIFRAT/ Fitimi bruto i bizneseve vjet mbi 3.4 mld euro! ‘Trofeun’ e merr turizmi, por bizneset prodhuese më fitimprurëse
9 Nëntor, 18:27
-
‘Refuzohet minimumi jetik 200 euro i propozuar nga opozita’, Ministria e Financave: Propozimi ishte i paplotë dhe i pastudiuar!
5 Nëntor, 17:19
-
ZYRTARE/ Shtyhet rivlerësimi i pronave, do të bëhet në 2025-ën kur të caktohen çmimet e reja të referencës së pronave në të gjitha bashkitë
5 Nëntor, 13:18
-
Buxheti 8.2 mld € për vitin 2025 prezantohet në komisione, PD mungon! Malaj: Garantojmë investime, rritje ekonomike e ulje borxhi! Alibeaj: Buxhet elektoral, financon PPP jo pensionet
4 Nëntor, 10:30
-
Euro rekord të ri negativ, këmbehet me 98.2 lekë! Buxheti i shtetit ka humbur 120 mln euro këtë vit nga zhvlerësimi i valutave, rrezik edhe për 2025-ën
31 Tetor, 16:06
-
Në 2025-ën do jepen 2 mln euro grant për pushtetin vendor! Bashkitë me përformancën më të mirë do të marrin më shumë para
30 Tetor, 16:45
-
Prezantohet në Kuvend projektbuxheti 2025, nuk ka ndryshim taksash! Malaj: Presim rritje ekonomike 3.9%, ulje të borxhit publik dhe më shumë investime
30 Tetor, 14:49
-
Zhvlerësimi i valutave uli borxhin e huaj! Ministria e Financave: Në fund të shtatorit borxhi publik zbriti në 55.4% të PBB-së
30 Tetor, 11:43
