POP 5

Lajmet më të lexuara të 5 minutave të fundit

Ekonomi

Projektbuxheti 2022/ Ekspertët për Report Tv: S’jep zgjidhje për krizën energjetike! Preçi: Ka abuzim në tregun e gazit, por taksa është e nxituar

Ekspertët e ekonomisë kanë rezerva për projektbuxhetin e vitit 2022, pasi sipas tyre nuk mbështet sa duhet krizën energjetike, nuk nxit prodhimin vendas e nuk redukton varfërinë.

Kriza e çmimeve dhe problemet sociale duhet të ishin më të përfshira në projektbuxhetin e vitit 2022. Ekspertët e ekonomisë Zef Preçi e Klodian Muço thonë se kriza e paralajmëruar energjetike nuk gjen mbështetje në buxhetin e prezantuar, si dhe shumë sfida nuk marrin përgjigje.

“Kur deklaron që jemi në një krizë energjetike, që është më e rëndë se ajo e pandeminë, dhe shikon se çfarë masash janë marrë dhe çfarë shikon në buxhetin e shtetit për të përballuar këtë krizë është bërë pak ose aspak, sepse 10 miliardë lekë nuk janë absolutisht asgjë për një vend”, thotë eksperti.

“Sfidat themelore që lidhen me reduktimin  e varfërisë, që lidhen me nxitjen e prodhimit vendas, që lidhen me rriten me fuqinë konkurruese të ekonomisë tonë, që lidhen me nxitjen e eksporteve, për fat të keq në këtë projektbuxhet mungojnë”, pohon Preçi.

Preçi e shikon të nxituar nismën e qeverisë për të taksuar gazin për familjarët, në kushtet e emergjencës energjetike.

“Do të ishte mirë që qeveria në kushtet kur energjia elektrike po bëhet më e shtrenjtë për tu blerë , të mendonte për lehtësimin e çmimeve për lëndët zëvendësuese është e nxituar si masë, dhe më mirë të forcoheshin kontrollet nga tatim taksat”, shprehet Preçi.

Vlerat e larta të pagesave për koncesionet dhe deficiti buxhetor thonë ekspertët duhet të ishin studiuar më mirë. Ndërkohë që pozitive vlerësojnë rritjen e shpenzimeve për arsimin.

“Tek Ministria e Arsimit ka rritje të buxhetit për arsimin me 12%, që është e konsiderueshme në raport me 2021, por nga ana tjetër nëse shikojmë peshën që ka buxheti i arsimit me buxhetin total, shikojmë që është 5.7%”, tha Muço.

Për vitin 2022, të ardhurat janë parashikuar në vlerën e 536.8 miliardë lekëve dhe shpenzimet do të arrijnë në 637.6 miliardë lekë.

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Këngëtarja e njohur shqiptare kërkon armatosjen e vajzave: Të mbrohemi, askush s'do t'ia dijë për ne

Këngëtarja e njohur shqiptare kërkon armatosjen e vajzave: Të mbrohemi, askush s'do t'ia dijë për ne

19 Prill, 18:10