Projektbuxheti 2023, Ilir Meta: Amendamentet e Partisë së Lirisë evitojnë rëndimin e barrës fiskale dhe dekurajimin e profesionistëve të lirë

Projektbuxheti 2023, Ilir Meta: Amendamentet e Partisë së Lirisë evitojnë rëndimin e barrës fiskale dhe dekurajimin e profesionistëve të lirë

Ilir Meta

Kryetari i Partisë së Lirisë, Ilir Meta ka rikhtyer sërish në vëmendje amendamentet e depozituara në Kuvend për buxhetin e vitit 2023 duke thënë se do të evitojnë rëndimin e barrës fiskale. Në një postim në Facebook thotë se do të bëjë të mundur të profesionistët e lirë.

“Amendamentet e Partisë së Lirisë për Projektbuxhetin 2023, për të evituar rëndimin e menjëhershëm të barrës fiskale dhe për të evituar dekurajimin e profesionistëve të lirë, në mënyrë që ata të mos largohen nga vendi”, shkroi Meta.

Partia e Lirisë ka bërë 10 amendamente në ligjin për Buxhetin që ka paraqitur në Kuvend Qeveria. 

“Të hiqet 10 fishimi i gjobave ndaj biznesit, antikushtetuese dhe jo proporcionale. Të anulohet rritja e akcizës për prodhuesit vendorë të birrës, rrezikon mijëra vende pune. Të anulohet taksa speciale për prodhuesit e energjisë elektrike, nuk nxit rritjen e investimeve në sektor. Kërkojmë shtyrjen e taksimit për profesionet e lirë deri në kalimin e krizës”, janë disa prej amendamenteve.

631 miliardë lekë parashikohet të jetë buxheti për vitin 2023, ku shpenzimet më të mëdha do të jenë në sektorin energjetik, ku parashikohet fondi prej 12 miliardë lekësh. Disa nga zërat e parashikuar në projektbuxhet, lidhen edhe me zgjedhjet vendore, ndërtimin e 4 shkollave, akseve rrugore dhe aeroportit të Sarandës. Projektbuxheti 2023 është miratuar në mbledhjen e Qeverisë më datë 10 tetor. Në prezantimin që i bëri vendimit ministrja e Financave dhe e Ekonomisë Delina Ibrahimaj, e cila u shpreh se ky buxhet do të vijojë që të mbështesë energjinë elektrike, me qëllim mosrritjen e çmimit për konsumtorët dhe bizneset. Sipas Ibrahimajt, gjithashtu do të të vijohet që të mbështeten kategoritë e shtresave në nevojë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

‘Kundërshtia ndaj një kryetari nuk mund të kthehet në kundërvënie ndaj PD’, Çollaku: Duhet të gjejmë mundësi bashkekzistence

‘Kundërshtia ndaj një kryetari nuk mund të kthehet në kundërvënie ndaj PD’, Çollaku: Duhet të gjejmë mundësi bashkekzistence