POP 5

Lajmet më të lexuara të 5 minutave të fundit

Ekonomi

Projekti i gazsjellësit, ministri
Gjiknuri në Azerbajxhan për TAP-in

Kreu i dikasterit të Energjisë dhe Industrisë ka kërkuar nga kompania TAP që të paktën 30 për qind e kompanive që do të kryejnë punime në Shqipëri për realizimin e gazsjellësit të jnë shqiptare.
AZERBAJXHAN- Kreu i dikasterit të Energjisë dhe Industrisë ka kërkuar nga kompania TAP që të paktën 30 për qind e kompanive që do të kryejnë punime në Shqipëri për realizimin e gazsjellësit të jEnë shqiptare. Gjiknuri po zhvillon një vizitë në Azerbajxhan, ku mori pjesë në punimet e një konference për gazin. Në ditën e parë të qëndrimit në Baku, Ministri Gjiknuri u prit në një takim nga Ministri i Energjisë dhe Industrisë së Republikës së Azerbajxhanit, Natig Aliyev.

Në fokus të takimit ishte finalizimi i Memorandumit të Mirëkuptimit ndërmjet Republikës së Shqipërisë dhe asaj të Azerbajxhanit për bashkëpunimin në zhvillimin e Master Planit të Gazifikimit të Shqipërisë. Gjiknuri u shpreh për nevojën e bashkëpunimit edhe për vënien në punë të termocentralit të Vlorës duke shfrytëzuar infrastrukturën potenciale lidhëse të projektit të gazsjëllësit TAP që do të lidhë burimet e detit Kaspik me Evropën.

Gjatë takimit me drejtuesin e kompanisë shtetërore të naftës SOCAR, Gjiknuri u shpreh për një bashkëpunim konkret edhe në objektiva si financimi i rrjetit të shpërndarjes së gazit, ndërtimin e një impianti rafinimi modern e krijimin e Institutit të Naftës dhe Gazit në Shqipëri.

Redaksia Online
(e.s/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Komandohet drejtuesja, për herë të parë PD e Shkodrës do drejtohet nga një grua

Komandohet drejtuesja, për herë të parë PD e Shkodrës do drejtohet nga një grua

15 Janar, 19:55