Projektligji, regjistrim pajisjeve
mjekësore, Beqaj: Situata kaotike

TIRANE- Tregu u pajisjeve mjekësore në Shqipëri është kaotik, për vetë faktin, se nuk ka asnjë kontroll specifik ndaj tyre, ashtu sikurse mund të ketë për barnat. Për këtë arsye, Ministria e Shëndetësisë ka hartuar për herë të parë një ligj i cili vendos rregullat e forta, ku çdo pajisje mjekësore duhet regjistruar. I thirrur në Komisionin Parlamentar të Shëndetësisë, ministri Ilir Beqaj ka pohuar se me anë të këtij ligji do të përcaktohen të gjitha rregullat.

Sipas të dhënave rezulton se deri dje nuk ka pasur asnjë institucion që kontrollon materialet mjekësorë që mund të jenë të skaduara, imitime apo edhe t’u kenë përfunduar orët e punës. Ndaj për këtë arsye një agjenci e veçantë do të bëjë regjistrimin e tyre. “Ka një situatë kaotike në tregtimin e pajisjeve mjekësore në Shqipëri. Besojmë se, deri sa ka ndikim në faza të ndryshme të trajtimit të një sëmundje apo të një pacienti do të thotë që ne duhet të jemi më të sigurt për pajisjet mjekësore që ne duhet të përdorim.