POP 5

Lajmet më të lexuara të 5 minutave të fundit

Projektligji/ Ulet numri i trupave inspektuese në biznese, kontrollohet do bëhen në bazë të deklarimeve online! Hajdari: Minimizon abuzimet

Projektligji i ri i qeverisë do të ulë numrin e inspektorateve që kryejnë kontrolle në terren ndaj biznesit, ndërsa shumica e inspektimeve do të bëhen në bazë të deklarimeve që janë bërë online. Inspektori i Përgjithshëm dhe përfaqësues të dhomave të tregtisë dhe Industrisë thanë se kjo reformë do të minimizojë abuzimet dhe do reduktojë kostot e panevojshme.

Biznesi do të lehtësohet nga kontrollet pasi projektligji i hartuar nga qeveria parashikon uljen e trupave të inspektimit duke synuar më pak kontrolle dhe menaxhim më të saktë e korrekt pasi gjithçka do të jetë elektronike, u shpreh inspektori i përgjithshëm, Shkëlqim Hajdari.

“Kemi 30 trupa inspektimi-inspektorati shtetëror dhe agjenci që kryejnë detyra inspektimi kërkojmë që të përqendrohen në 7 trupa me të njëjtat shërbime.I bashkojmë inspektoratet me njëri tjetrin dhe ulim numrin e inspektimeve. Ulim barrën mbi biznesin dhe shmangim inspektimet që i bën një inspektoriat për hesap të vet dhe një tjetër për hesap të vet”, u shpreh Hajdari.

Zëvendësministri i Financave Besart Kadia u shpreh se reforma do të mundësojë një treg me standardet e kërkuara.

“Minimizimi i ndëshkueshmërisë por objektivi drejt standardeve që ne kërkojmë për një treg konkurrues të paanshëm besoj që kjo reformë dhe rregullimi i plotë dhe zvogëlimi i numrit të inspektimeve që janë 180 mijë në vit. Mbaj mend që bizneset ankoheshin që nga një anë hyn një inspektor dhe nga ana tjetër në të njëjtën kohë nga ana tjetër hynte tjetri”, tha Kadia.

Në fund të takimit përfaqësuesit e Dhomave të Tregtisë dhe Industrisë dhe Shoqatat e Biznesit përmes një shkrese drejtuar Zzv.ryeminstrit Arben Ahmetaj, i kërkuan se ka ardhur koha që Qeveria të përfundojë sa më shpejtë reformën e ndërmarrë për riorganizimin e trupave inspektuese. Kjo reformë ka nisur nga qeveria që prej vitit 2018, por ende nuk ka përfunduar.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Mos ngurroni të bëni hapin e parë... Çfarë parashikojnë yjet për ju sot

Mos ngurroni të bëni hapin e parë... Çfarë parashikojnë yjet për ju sot

26 Dhjetor, 07:50