POP 5

Lajmet më të lexuara të 5 minutave të fundit

Kosova & Rajoni

Lajme nga emisionet

Rezoluta e përbashkët për Kosovën, Anëtari i Kryesisë së PDK-së Nurellari: Ndjesi pozitive! Tirana ndoqi shembullin e Prishtinës! Açka: Nuk e çon gishtin te plaga

Parlamenti miratoi me 101 vota pro projekt-rezolutën e përbashkët maxhorancë-opozitë për Kosovën që dënon sulmin e grupit serb serb ne Banjskë. Anëtari i Kryesisë së Partisë Demokratike të Kosovës, Adri Nurellari e quajti pozitiv këtë hap, kurse Flutura Açka tha se duhet të ishin bërë disa korrigjime

Parlamenti miratoi me 101 vota pro projekt-rezolutën e përbashkët maxhorancë-opozitë për Kosovën që dënon sulmin e grupit serb ne Banjskë që u ndërmor më 24 shtator. Anëtari i Kryesisë së Partisë Demokratike të Kosovës, Adri Nurellari në një lidhje me “Skype” në emisionin “Kontrast” në Report Tv tha se Tirana ndoqi shembullin e Prishtinës duke mbajtur një qëndrim të unifikuar.

“Është ndjesi pozitive. Janë të unifikuar për çështjen e agresionit që ndodhi në Veri. Kur bëhet fjalë për agresion ne iu bashkuan takimeve, madje nxorrën vetë një rezolutë si opozitë për të mbështetur shtetin qeverinë dhe institucionet e Kosovës. Ne si Prishtinë dhamë një imazh dhe shembull të mirë që duhej të ndiqej edhe në Tiranë”, tha ai.

Në votim nuk u përfshinë amendamentet e Kreshnik Çollakut të propozuara në emër të PD-së zyrtare. Kryetarja e grupit parlamentar të PD Flutura Açka tha se korrigjimet e propozuara për t'u bërë në rezolutë ishin të rëndësishme. Për shkak se amendamentet nuk u përfshinë në rend dite, ajo tha se zgjodhi të abstenojë gjatë votimit të rezolutës.

“Ne kemi bërë një amendament por nuk u përfshi në votim për shkak të vonesës. S’do na kushtonte gjë të uleshim dhe ta përfshnimin këtë gjë. Janë pika të rëndësishme. Këtu thotë një grup terrorist serb, i stisutr nga Serbia. Kjo është për të mos goditur frontalisht Vuçic. Problemi është përdorimi që mund t'i bëhet kësaj rezolute, nuk e çon gishtin te plaga. Prandaj kërkuam 3 amendamente që të përfshihen. Fakti që nuk u përfshinë propozimet, prandaj e kam abstenuar. Unë e kam votuar rezolutën e parë dhe nuk e vë njeri në dyshim mbështetjen time për Kosovën. Por këto çështje ishin të rëndësishme për t’u përfshirë”, tha Açka.

Të pranishëm në Kuvend ishin 106 deputetë, ndërkohë që në votim nuk u futën amendamentet e deputetit të PD-së, Kreshnik Çollaku. 4 deputetë të Lulzim Bashës Arbi Agalliu, Eralda Bane, Orjola Pampuri, Enkelejd Alibeaj nuk votuan.

B.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Moti i keq, Lezha në terr! Mijëra banorë të 6 njësive dhe Shëngjinit pa energji elektrike prej 3 ditësh, shkak defektet në rrjet! (VIDEO)

Moti i keq, Lezha në terr! Mijëra banorë të 6 njësive dhe Shëngjinit pa energji elektrike prej 3 ditësh, shkak defektet në rrjet! (VIDEO)

13 Janar, 18:55