‘Prokurorët nuk po dallojnë dot kush është krimi dhe kush polici’, Llabani: Në dosjen Metamorfoza të përfshirë politikanë dhe oficerë të lartë

 

Gazetarja Anduena Llabani në studion e “Frontline” me gazetaren Marsela Karapanço foli edhe mbi hetimet që SPAK po kryen për dosjen “Metamorfoza” në kuadër të të cilës janë arrestuar anëtarë të grupeve kriminale dhe ish-zyrtarë policorë e prokurorë.

Llabani tha se pritet të ketë arrestime të tjera të zyrtarëve të lartë në politikë e polici. Ndërsa zbuloi se ka edhe një pakt mes Ballës dhe kreut të SPAK, Altin Dumani në mënyrë që mos të bëjë emërime në polici pa parë se kush është i përfshirë në përgjime me grupet kriminale.

“Nëse ka një dosje shumë të rëndësishme ku përfliten zyrtarë politike por edhe zyrtarë policie është metamorfoza. SPAK-u është i vetëm në hetimin e dosjes. Frika për dekonspirim dhe nxjerrjen e informacionit ka bërë që SPAK të ngujohet aty me 2-3 prokurorë të BKH.

Do ketë të arrestuar, emra të përveçëm. Nëse sot Balla nuk bën dot emërime, ka një pakt mes tij dhe Dumanit për të parë se kush nuk janë të përlyer. Kur ui pyesim prokurorët, thonë nuk po dallojmë dot kush është krimi dhe kush është polici”- tha gazetarja.

Lajmi kryesor:

Hetimet e SPAK ndaj zyrtarëve të lartë, Koçi debat me Vokshin: Silleni si gjyqtarë e prokurorë, kujdes kur akuzoni! Deputetja: S’ke moral të ma thuash këtë

B.V/KT/Shqiptarja.com

TAG:
• petro koçi
• Albana Vokshi
• spak
• PS
• Anduena Llabani
• frontline