Prokuroria e Parisit nis hetimet për sabotazh pas sulmit masiv në rrjetin hekurudhor! Alarm për bombë në aeroportin e Bazelit

Foto: Qytetarët duke pritur në stacion hekurudhor Paris 

Aeroporti Bazel-Mulhouse-Freiburg, i vendosur në Alsace në territorin francez, në verilindje të Francës është mbyllur. Aeroporti është evakuuar në mëngjes për "arsye sigurie".

Sipas disa burimeve, mbyllja ndodhi pas marrjes së një emaili që tregonte praninë e një bombe. Franca tashmë është në gjunjë për shkak të sabotimit në rrjetin hekurudhor që bllokoi të gjithë trenat me shpejtësi të lartë. Ndërkohë prokuroria e Parisit ka nisur hetimet për sabotazh dhe autorët rrezikojnë dënim deri në 15- 20 vite burg dhe gjobë deri në 220 mijë euro.

Rruga për në ”Stade de France”, një nga vendet e Lojërave Olimpike, është gjithashtu e mbyllur aktualisht. ”Riparimet janë duke u zhvilluar”, tha SNCF, operatori hekurudhor.

Lojërat Olimpike të Parisit nisin zyrtarisht me një spektakël unik në mes të Senës të premten në mbrëmje.

Lajmi kryesor:

Franca në sulm ditën kur nisin lojrat Olimpike 'Paris 2024'! Paralizohet linja e trenave të shpejtësisë së lartë! Mbyllet dhe aeroporti i Bazelit

S.G/Shqiptarja.com

TAG:
• paris 2024
• france