POP 5

Lajmet më të lexuara të 5 minutave të fundit

Opinion

Periferi

Prokuroria italiane bëri atë që duhet: Nis hetimet për çmimin e karburantit në Itali

Në një vend të qytetëruar, instanca të shtetit, shoqërisë civile dhe të konsumatorëve nxitojnë të hedhin dritë për të kuptuar të vërtetën e rritjes së çmimit të karburanteve, gazit. Prokuroria italiane nisi hetimin për të mësuar nëse dikush po abuzon, apo çfarë po ndodh është realisht pasojë e trysnisë së luftës në Ukraninë.

Prokuroria italiane bëri atë që duhet: Nis hetimet për çmimin e karburantit në Itali

Ashtu si në mbarë Europën, në Shqipëri, edhe në Italinë fqinje çmimet e naftës, benzinës, gazit kanë pësuar rritje të fortë, por reagimi i shtyllave të shtetit dhe të shoqërisë, është disi ndryshe. Ashtu si dhe në Shqipëri politika, grupet e ndryshme të interesit nisën akuza dhe kundërakuza që përmbanin skenarë dhe prapaskena nga më të larmishmet. Shoqatat italiane të konsumatorëve ngritën zërin këto ditë të parat pasi dyshonin thellësisht se në emër të luftës në Ukrainë, shpërndarësit e karburanteve dhe të gazit po abuzonin. Edhe ministri i Tranzicionit Ekologjik Roberto Cingolani hodhi akuzat e tij të forta pasi dyshonte se “tregu kishte ngritur çmimet në mënyrë jo logjike dhe sipas tij, - po kryhej një mashtrim kolosal nga nervozizmi i tregut”.

Pra, shoqatat e konsumatorëve të parat, ministri i dyti, autoriteti i konkurrencës i treti, Guardia di Finanza e katërta, e cila është e autorizuar të verifikojë veprimet e ndërmarrjeve të naftës dhe të derivateve për të parë nëse ka spekulime apo veprime të jashtëligjshme në dëm të qytetarëve.

Shoqata e Ndërmarrjeve të Naftës në Itali u shpreh e qetë: “Të bëhen të gjitha kontrollet, pasi kështu të gjithë do të kuptojnë se jo vetëm nuk ka spekulime, por ndërmarrjet energjitike dhe të naftës janë prej muajsh me humbje për shkak të lëvizjeve të tregjeve pas pandemisë dhe luftës në Ukrainë”.

Pra, të gjithë kërkojnë të bëjnë detyrën për të hedhur dritë mbi një situatë që është e paqartë dhe në dukje thellësisht abuzive. Edhe në shtetet më perfekte në botë do të ketë përherë “hileqarë” që do të kërkojnë të abuzojnë, të përfitojnë nga rrethana të vështira, por ama një shoqëri duhet të krijojë shtyllat e saj të verifikimit për t’u vetëmbrojtur. Nëse ne në Shqipëri nuk e kemi bërë ende këtë gjë, nëse vazhdojmë të marrim të mirëqëna vetëm atë që thotë nga kush është në qeveri, apo nga kush është në opozitë; nga kush është në pushtet apo nga kush ëndërron të vijë në pushtet, do të jemi përherë viktima të një paqartësie e të një dizinformimi të qëndrueshëm dhe të vazhdueshëm jo vetëm për çmimet, por për këdo tjetër situatë të paqartë.

Djemtë e vajzat tanë më të mirë duhet të marrin përsipër me zemër detyrat e tyre në prokurori, drejtësi, avokati, shoqata konsumatorësh, tatime, për të mos lënë një popull të tërë të vazhdojë të trajtohet si spektator ping-pongu politik.

a.m./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Eti: 15/03/2022 23:17

    Fiks si ne Shqiperi qe prokuroria nis hetimet per popullin qe ankohet nga vjedhja.

    Përgjigju
  • Elsa: 15/03/2022 20:59

    Ashtu eshte. Prokuroria jone te kishte nisur ose nise hetimet per kete ceshtje. Nese cmimet jane ose jo reale apo per perfitim abuziv. Kuptohet, nen akuze te vere nga Kryeministri dhe poshte qe jo vetem nuk bene asgje por edhe dolen ne mbrojtje te spekulanteve.

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça