TIRANE- Edhe pse ka humbur dy betejat gjyqësore, prokuroria nuk dorëzohet nga kërkesa e saj për ekstradimin e shtetasit Gëzim Çelaj që njihet ndryshe si “baroni i drogës” në Shqipëri.

Dosja penale kundër Çelaj, është dorëzuar ditën e djeshme në sekretarinë e Gjykatës së Lartë ku kërkohet pranimi i kërkesës së autoriteteve italiane për ekstradimin e Gëzim Çelaj, të dënuar në Itali për disa vepra penale të rënda.

Momentalisht Gëzim Çelaj ndodhet në kërkim ndërkombëtar nga shteti shqiptar, pasi Prokuroria për Krime të Rënda ka ngritur akuzën e ”Trafikut të kokainës”, “Grupit të strukturuar kriminal” dhe “Armëmbajtjes pa lejë”.