Prokuroria kërkesë KQZ-së: Na jepni formularin e vetëdeklarimit të kryebashkiakut të Mallakastrës

TIRANË - Prokuroria e Përgjithshme i është drejtuar me një kërkesë zyrtare Komisionit Qendror të Zgjedhjeve, ku i kërkon t'i vë në dizpocizion formularin e vetëdeklarimit të kryetarit të Bashkisë së Mallakastrës, Qerim Ismailaj. 

Në kërkesën dorëzuar KQZ-së me firmë të kryeprokurorit, Olsian Çela, citohet edhe fakti që Partia Demokratike ka depozituar në organin e akuzës, kërkesën për verifikimin e kryebashkiakut Ismailaj, me argumentin se ndodhet në kushtet e ndalimit të ushtrimit të funksionit publik.

"Kërkojmë përcjelljen sa më parë në Prokurorinë e Përgjithshme të formularit të vetëdeklarimit të z.Qerim Ismailaj, si dhe çdo verifikim paraprak të kryer nga ana juaj për të vijuar me verifikimet më të thelluara në zbatim të nenit 8 të ligjit nr.138/2015", thuhet në kërkesën e prokurorisë.

Partia Demokratike ka publikuar një dokument ku pretendon se është dëshmia e penalitetit të kryebashkiakut të Mallakastrës Qerim Ismailaj, ku rezulton se është dënuar në mungesë nga drejtësia greke më datë 25 Shkurt të vitit 2000 me 3 vite burg për plagosje, ngjarje e ndodhur në 1999. Sipas dokumentit Qerim Ismailaj, rezulton i dënuar me 3 vjet burgim nga Gjykata e Kios, më datë 25 Shkurt 2000, i dënuar për kryerjen e veprimeve të dhunshme, plagosje (rrahje) dhe nuk e ka vuajtur dënimin.

Pas denoncimi publik nga ana e PD-së, kryebashkiaku Qerimaj ka deklaruar se nuk kishte dijeni që  se nuk ka pasur dijeni lidhur me shkresat e paraqitura nga PD, ndryshe - tha ai - do i kishte deklaruar sepse kjo sipas tij nuk do e kishte penguar të kandidonte për kryebashkiak.  Ai u shpreh ndër të tjera, se në periudhën kur pretendohet se ka dalë ky vendim ai ka qenë duke punuar si mësues në një shkollë në Corrush.

G.M./Shqiptarja.com
  • Sondazhi i ditës:

    Vrasje, atentate, plagosje! A ju duket shqetësuese situata kriminale në vend?

Komento

Komente

  • Drejtesia: 14/01/2020 17:36

    Turpi i Mallakaster.po si sgjetet nje njeri te sakte po vendoset kte morrin qe i duket vetja i zgjuar.Injorant m.ti u be kryebashkiak dhe ka 7 muaj spo pastron dot as plerat e lagjeve.turp.qerohu.

    Përgjigju
  • XXX: 14/01/2020 15:55

    Opa,,, per 1 jave do iki dhe ky ne arati si kolegu i vet

    Përgjigju


×

Lajmi i fundit

John

Ndërron jetë 69-vjeçarja, bie nga shkëmbi në plazhin e Ksamilit (EMRI)