Punonjësi i gjykatës Lezhë ankohet në ILD për prokuroren: Zbuti veprën penale për dhunuesin

Punonjësi i gjykatës Lezhë ankohet në ILD për prokuroren: Zbuti veprën penale për dhunuesin

Inspektoriati i Lartë i Drejtësisë

Prokurorja e Lezhës, Irena Sufaj është bërë objekt ankimimi në Inspektorian e Lartë të Drejtësisë nga një punonjës gjykate.

Sipas burimeve bëhet fjalë për një procedim penal të goditjes për shkak të detyrës të një punonjësi gjykate, ngjarje e ndodhur në muajin tetor të vitit 2023. 

Sipas punonjësit të gjykatës, një ditë para përfundimit të afatit të hetimeve prokurorja e Lezhës Irena Sufaj, ka vendosur ndryshimin e cilësimit juridik të veprës penale nga “Goditja për shkak të detyrës” parashikuar nga neni 237 i Kodit Penal, në nenin 90 i Kodit Penal “Dëmtime të tjera me dashje” dhe në kundërshtim me ligjin këtë vendim prokurorja nuk ja kakomunikuar viktimës së veprës penale.

Ndër të tjera, punonjësi i gjykatës pretendon se një ditë pasi kishte ndryshuar cilësimin juridik të veprës penale dhe pa ja komunikuar këtë vendim viktimës, prokurorja ka përfunduar hetimet dhe njëkohësisht ka vendosur pushimin e çështjes, për autorin e ngjarjes.

Bazë e ankimit të punonjësi të gjykatës është se referuar ligjit procedural penal, për ndryshimin e cilësimit juridik të veprës penale organi i akuzës me marrjen e vendimit duhet të vërë në dijeni viktimën, dhe për të drejtën e njohjes me aktin si dhe sipas rastit, për të paraqitur ankim në Gjykatë, por kjo nuk ka ndodhur në rastin në fjalë.

Më 4 qershor, në përgjigje ndaj ankimuesit, ILD thotë: Ankesa juaj është regjistruar dhe do të shqyrtohet nga Inspektori i Lartë i Drejtësisë në përputhje me parashikimet e Pjesës V, Kreut II të ligjit nr. 96/2016 "Për statusin e gjyqtarëve dhe prokurorëve në Republikën e Shqipërisë", i ndryshuar, si dhe parashikimet e Pjesës IV, Kreu I dhe III të ligjit nr. 115/2016 "Për organet e qeverisjes së sistemit të drejtësisë", i ndryshuar, dhe ju do të njoftoheni për çdo vendim që do të merret mbi këtë ankesë.

K.M/G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Listat e deputetëve të hapura në 2/3 dhe jo plotësisht, jeni dakord?



×

Lajmi i fundit

Reforma Zgjedhore, Alibeaj: Deputet do zgjidhet lëpirësi i kryetarit! Çfarë halli ka Berisha që do t’i fshehë kandidatët?

Reforma Zgjedhore, Alibeaj: Deputet do zgjidhet lëpirësi i kryetarit! Çfarë halli ka Berisha që do t’i fshehë kandidatët?