Prokurorja maqedonase: Do të dënohet edhe Ali Ahmeti si Gruevski, kemi përgjime me cilësi të lartë 

Prokurorja maqedonase: Do të dënohet edhe Ali Ahmeti si Gruevski, kemi përgjime me cilësi të lartë 

Prokurorja publike, Katica Janeva, Ali Ahmeti dhe Nikola Gruevski

MAQEDONI - Prokurorja publike, Katica Janeva, siguron opinionin se posedon dëshmi “me kualitet” për rastin “Regjistrimi”, ku të dyshuar kryesorë janë partnerët shumëvjeçarë, Ali Ahmeti dhe Nikola Gruevski. Ky i fundit ndodhet në arrati pas dënimit nga gjykata me dy vite burg për rastin "Tanku". Janeva ka folur edhe për pengesat që ka bërë qeveria e kaluar ndaj Prokurorisë Speciale në grumbullimin e dëshmive për anulimin e Regjistrimit.

“Regjistrimi si lëndë është hapur moti kohë në fazë parahetimore. Gjatë kohë janë kërkuar biseda lidhur me këtë rast. Grumbullohej edhe dokumentacion, që në fillim nuk ishte e mundur, deri sa nuk ndryshoi pushteti. Zhvillohet hetim kualitativ dhe i mirë, këtë patjetër duhet ta pranoj. Ka dëshmi të mira dhe me kualitet. Më tepër nuk mund të tregoj për opinionin, sepse gjykata është organi që e konfirmon akuzën, e pastaj do të dëgjojmë të gjithë së bashku se çka ka ndodhur”, ka deklaruar Janeva.

Duke zbuluar një pjesë të rastit lidhur me dyshimet për këtë krim të kryer, Janeva thotë se Ahmeti dhe Gruevski mes tjerash janë koordinuar se si të anulohet regjistrimi në Kuvend.

“Posedojmë edhe dëshmi materiale edhe biseda për atë lëndë, rreth asaj se si është biseduar që në Kuvend të anulohet regjistrimi.
Në ndërkohë kemi marë nën kompetenca edhe rastin “Maxhar Telekom” që zhvilohet në gjykatë. Kjo është interesante për opinionin dhe më datë 27 mendoj se është caktuar seancë gjyqësore”,
thekson Janeva.

Te rasti “Regjistrimi”, të dyshuar kryesorë janë kryetari i BDI-së, Ali Ahmeti dhe ish kryeministri Nikola Gruevski. Ata akuzohen se në mënyrë antiligjore e kanë ndërprerë regjistrimin e vitit 2011, nga frika se do të kishte implikime negative mbi karrierat e tyre politike.

Ekspertët juridikë thonë se për këtë vepër, në rast se dëshmohet, ligji parasheh edhe dënim me burg./Fol.mk/

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Në hetim në Gjermani për trafik kokaine nga Amerika Latine, SPAK sekuestron pasuritë e Princ Dobroshit dhe Olsi Syziut në Shqipëri

Në hetim në Gjermani për trafik kokaine nga Amerika Latine, SPAK sekuestron pasuritë e Princ Dobroshit dhe Olsi Syziut në Shqipëri