POP 5

Lajmet më të lexuara të 5 minutave të fundit

Kultura

Promovimi i librit/Kineasti i njohur Dhimitër Anagnosti: Shqiptarët kanë identitet të mrekullueshëm

Kineasti i njohur Dhimitër Anagnosti promovon librin e ri ““Ulliri, pema e dhimbjes”. Studiuesit e vlerësojnë librin e Dhimitër Anagnostit, si një provë se Shqipëria letrare është më e bukura nga të gjitha Shqipëritë: politike, ideologjike, ekonomike dhe historike.

Lexuesi tanimë ka në duar librin e një mjeshtri. Kështu e ka cilësuar botimin e ri “Ulliri, pema e dhimbjes” të kineastit Dhimitër Anagnosti, studiuesi Shaban Sinani. Etyde, skica, ditar, rrëfime dhe tregime e novela vijnë nëpërmjet këtij botimi, që mesaduket edhe për kritikën, rrëfejnë se si “Shqipëria letrare është më e bukura nga të gjitha Shqipëritë: politike, ideologjike, ekonomike dhe historike”. Bashkëshoqëruesja e tij më e afërt në skenë edhe në jetë, aktorja Roza Anagnosti, edhe pse një jetë me mjeshtrin e kinemasë, mes emocioneve ajo përshkruan, se ky libër është një gëzim i madh, sepse artisti nëpërmjet tij do të takohet me lexuesit, që adhurojnë veprën e tij. 

“Do të dëshiroja me gjithë zemër, që të ishte një takim i ngrohtë. Ky është edhe qëllimi i botimit të këtij libri. Jam e gëzuar që arriti ta materializojmë këtë libër. Është gëzim për një krijues, një kineast, që jo nëpërmjet filmit, por nëpërmjet librit do të takohet me lexuesit, që adhurojnë veprën e tij. Anagnosti ka shkruar 20 skenarë, prej të cilëve dy janë botuar, ndërsa kjo është vepra e katërt, pas romanit “Koburja nga Europa”. Ishte një nxitje e brendshme, e mesa duket erdhi momenti, që Dhimitri të na përcillte emocione të reja. Vepra është botuar si një sintezë, është vazhdim i krijimtarisë së tij, si kineast, skenarist dhe shkrimtar. Është edhe një homazh për të gjithë ata artistë të shquar, që nuk janë më, por që kanë lënë veprat e tyre. Dhimitri është i kursyer në fjalë, por jo me ndjenja edhe filozofinë e tij. Siç thotë ai: “Unë punën time e kam kryer, tani libri është në dorën tuaj, jeni ju që do ta gjykoni”, shprehet aktorja Roza Anagnosti.

Ndërsa, për fjalëpakun, të urtin dhe të palodhurin Dhimtër Anagnisti ky libër është një tjetër mision i përmbushur prej tij, për t’i ardhur sadopak në ndihmë kujtdo, që do të njihet me vlerat e pashuara të një kombi në kinematografinë shqiptare.

“Është kënaqësi, që pas kësaj pune, të kemi dhe të tjera punë, si ajo punë krijuese që kemi bërë dikur. Kështu mund të bashkëjetojmë edhe të bashkohemi përmes artit me artin. Shqiptarët kanë identitet të mrekullueshëm, kanë talente edhe shpresojmë që të vazhdojmë që të vazhdojmë kemi shkrimtarë, piktorë, muzikantë edhe kineastë të mirë”, u shpreh kineasti i njohur.

Gjatë promovimit të librit artistët Robert Radoja, Mehdi Malkaj dhe Kristian Koroveshi lexuan pjesë. 

 

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Toni: 26/04/2019 10:03

    Jo Robert,por Guljelm Radoja, aktori.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29