POP 5

Lajmet më të lexuara të 5 minutave të fundit

Kultura

Promovohet “Anjeza nuk u zgjua”, Preç Zogaj: Thirrja e erotikës ekziston në çdo lloj sistemi (VIDEO)

Shkrimtari edhe poeti Preç Zogaj rikthehet tek lexuesi me romanin “Anjeza nuk u zgjua”. Gjatë promovimit të librit autori shprehet, se tek çdo personazh ka edhe elemente autobiografik. Ndërsa,  ka zgjedhur që të trajtojë dramën e shansit të vetëm në vitet ‘80.

Shkrimtari Preç Zogaj promovoi romanin “Anjeza nuk u zgjua”. Subjekti i romanit trajton një histori dashurie, mes Anjezës dhe Davidit, në një realitet që thyhet, sepse ofron pak shanse. Bëhet fjalë për realitetin e viteve ’80, ku gjatë regjimit komunist ëndrrat e një vajze të bukur siç ishte Anjeza në Lezhë, e cila synonte të bëhej artiste, nuk realizohen. Një histori dashurie edhe përdhunimi, nëpërmjet së cilës autori zgjedh që të rrëfejë edhe tabutë, që ekzistojnë në letërsinë shqipe mbi erotikën.

“Është një roman në të cilin kam dashur të tregoj dramën e shansit të vetëm. Jam përpjekur  të thyej disa tabu që ekzistojnë edhe në letërsinë shqipe, lidhje me erotiken dhe marrëdhëniet e dashurisë. Por në të njëjtën kohë kam dashur të tregoj se në kornizën e një sistemi jeta ndjek ligjësitë e saj, nuk është sistemi që përcakton gjithçka”, shprehet shkrimtari edhe poeti Preç Zogaj.

Shkrimtari thekson se fati i një gruaje asokohe diktohej edhe nga rrethanat, prandaj përpjekja e tij është që të thellohet tek marrëdhëniet njerëzore.

“Ishin rrethana të tilla. Tjetër gjë është sot, që para një vajze të bukur hapen disa mundësi. Tjetër gjë ishte para viteve ‘90 ku një vajzë rrethanat e çojnë para një shansi unik. Përpjekja ime është që të thellohem në marrëdhëniet njerëzore, në ato shtresime shoqërore, që japin edhe marrin me njëra-tjetrën. Por që në këtë kontekst të caktuar, siç është subjekti i romanit tim prodhojnë tragjedi”, shprehet Zogaj.
Ndonëse ka zgjedhur që të mos u referohet personazheve realë, ai në rrëfen se nuk mungojnë në këtë roman as elementët autobiografik.

“Autori nuk është i shkëputur nga personazhet e tij, por është gjithmonë një personazh letrar, joreal ”, thotë Zogaj.  

Preç Zogaj është autori i disa vëllimeve me poezi edhe në prozë.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • peoples: 31/10/2019 20:30

    Ky Preci i ka shume per zemer keto historite erotike..

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça