Promovohet libri/ Tefta Radi: Mendimi i Frankos, busull orientimi për mua

“Dënimin tim në Fushë-Arrës e kalova me një fjali. Nuk dëshiroja që në shpirtin dhe zemrën e pastër të fëmijëve të mi  të mblidhja hijen e mllefit, që dalëngadalë mund të kultivohej e mund të shndërrohej nesër në një ves të dëmshëm, por edhe aq ves i mburrjes… Mbolla tek ata vetëm dashurinë njerëzore...” Këto janë disa nga fjalët e kantautorit të njohur Françesk Radi, të cilat dy vite pas ndarjes së tij nga jeta, vijnë të botuara në librin “Françesk Radi jetë në kitarë” me autorë bashkëshorten e tij, njeriun e zemrës, gazetaren e njohur Tefa Radi dhe shkrimtarin Demir Gjergji. Të pranishëm në këtë veprimtari për të nderuar kantautorin e njohur të muzikës së lehtë shqiptare ishin familjarët, kolegët edhe miqtë e një jete. Bashkëshortja e tij, Tefta Radi, mes lotëve edhe zërit që dridhet ndalet tek rëndësia e botimit të këtij libri, për artistët edhe brezat e rinj.

 “Ishte kënaqësi për mua, që kaq miq edhe personalitete të fushës së artit që u mblodhën në këtë tavolinë për të shprehur respektin për Frankon. Libri “Françesk Radi jetë në kitarë”, them se është një risi në fushën e botimeve edhe sjellë të gjithë vitet artistike edhe sociale. I kalon përmasat ë një biografie të personazhit Franko, sjell rininë e kohës, shoqërinë edhe gjithçka të bukur ashtu siç ishte, pa mllefe, sepse ashtu ishte Franko. Është meritë e tij qw wshtw shkruar në perfeksion. Mendimi i tij pwr mua, ishte një busull në gjithçka. Më mungon shumë!”.

Edhe bashkautori i këtij botimi, shkrimtari dhe gazetari Demir Gjergji teksa e cilëson librin të rëndësishëm, sepse flet jo vetëm për krijimtarinë e pasur edhe personalitetin e Françkes Radit, por edhe sepse flet për jetën e një artisti në kohë të vështira

“Është një nga librat më të rëndësishëm te jetës sime, që më ka vënë para një pozicioni që në fillim e kisha të vështirë që ta bëja. “Jetë në kitarë”, që në fillim doja që ta titulloja “Adresat” e Frankos, ia vlen që të lexohet, sepse flet për jetën e një artisti në kohë të vështira, jetën e një shoqërie edhe të një fisi, të Radëve”, shprehet Gjergji.

Kantautori Françesk Radi u shua para dy vitesh nga jeta, në moshën 67-vjeçare.  Disa nga këngët më të njohura që kanë mbetur gjatë në kujtesën e njerëzve janë; “Adresa”, “Zemër e lodhur” apo edhe “Telefonatë zemrash”.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Gjykata e Apelit i jep vulën e PD-së Berishës, si e vlerësoni?



×

Lajmi i fundit

Duka në ‘Repolitix: Në 2025 PAA në zgjedhje, por ju unë si deputet

Duka në ‘Repolitix: Në 2025 PAA në zgjedhje, por ju unë si deputet