POP 5

Lajmet më të lexuara të 5 minutave të fundit

Sociale

Pronarët e mjeteve lundruese: Bllokimi na penalizon, duhet të ikim në punë se kemi kredi! Nuk mund të lëmë fëmijët pa ushqyer vetëm prej një vrasje

 

Pronarët e mjeteve lundruese në Vlorë kanë dalë në protestë për shkak të bllokimit të lëvizjes pas tragjedisë që ndodhi në plazhin e Potamit, ku gomonia e drejtuar nga Arjan Tase përplasi për vdekje 7-vjeçaren Jonada Avdia. Pas ngjarjes së rëndë, Policia Kufitare është në aksion për ndalimin e mjeteve lundruese dhe prej 3 ditësh nuk mund të dalin në det, ndonëse thonë se i kanë të gjithë dokumentacionet. Protestuesit thonë se nuk mund të ndodhë kështu pasi kanë nevojë për të ardhura dhe gjithçka marrin nga sezoni veror, e përdorin për të kaluar vitin. Ata kërkojnë që të gjobiten ose t’i sekuestrohen mjetet në rast se kapen me shkelje.

“Bashkohemi me dhimbjen e familjes që humbi vajzën në atë aksident tragjik që është një tragjedi që të gjithë e kuptojnë por si pasojë e saj na kanë bërë një padrejtësi që po na lë pa bukë. Të gjithë ne jemi dëshmitarë. Na u pat urdhëruar që nuk do dilni në det. Unë disponoj mjete me licensë, kemi dokumente përkatës, na vjen policia kufitare dhe ia paraqesim të gjitha dokumentet e mjeteve, të gjithë faturat e prera, listpagesën. Pa asnjë shkresë zyrtare na thonë s’do ikni në punë.

Ne këto 10 ditë presim për të gjithë shpenzimet e vitit. Në fillim s’kishte asgjë të urdhëruar. Shkova në stacionin e policisë në Triport, i çoj të gjithë dokumentacionin, i mbajti shënim të gjitha, çova dhe pagesat e fiskalizuara e më tha je në rregull, vazhdoni punë. Të nesërmen më ndodhi historia e çuditshme. Me 30 të huaj na ndalojnë mjetet e na thonë kemi urdhër. U kthyem. Të nesërmen ishte krimi ekonomik, Interpoli, kufitarja, të gjithë ne si dele i çuam dokumente dhe këta miqtë pa bërë asnjë kontroll i marrin këta dokumente dhe thonë do verifikohen. Po ne çfarë do bëjmë ndërkohë. Kur do verifikohen, në dhjetor. I thamë gjobë maksimale ose burg nëse e meritojmë”, tha një protestues.

Ndër të tjera, një prej pronarëve theksoi se kërkojnë të shkojnë në punë se kanë kredi për të paguar e duhet të ushqejnë fëmijët. Sipas tij, nuk mund të penalizohen të gjithë vetëm prej njërit që vrau fëmijën.

“Na kanë kthyer 3 herë. I kemi të faktuara dhe biletat e anuluara. Na bëjnë dhe ironi, pse bën ti 2000 euro në ditë? Bëjmë dhe 5 po me ato mbulojmë gjithë vitin. Kërkojmë të shkojmë në punë, jo të mbahet një i nënës, një i njerkës. Nëse i ka njeri afër plazhit mjetet, t’ia sekuestrojnë. Nëse vrau njëri dikë, duhet ta pësojmë neve? Këta po ruajnë postet e tyre për të ushqyer fëmijët e tyre, por ne t’i lëmë rrugëve? Si të paguaj kredinë, si t’i jap rrogën punonjësve?” – vijoi protestuesi.


Lajmi kryesor:

Vlorë, pronarët e mjeteve lundruese në protestë: Bllokohen pa arsye për shkak të një aksidenti, po na lënë pa bukë! Policia Kufitare: Do i verifikojmë dhe do dilni në lundrim
/KT/Shqiptarja.com
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça