POP 5

Lajmet më të lexuara të 5 minutave të fundit

Ekonomi

Pronari grek: Tarifa doganore
për çementon, brenda ligjit

chalis Sigalas, drejtori ekzekutiv për Evropën Juglindore i kompanisë greke “Titan Group“, pronare e “Sharrcemit”, ka thënë se vendimi i Qeverisë së Kosovës ka ardhur pas kërkesë së bërë nga kompania e tij.
Pronari grek: Tarifa doganore <br />për çementon, brenda ligjit
Kompania që e ka blerë fabrikën e çimentos “Sharrcem” në Han të Elezit të Kosovës e ka cilësuar ligjor dhe të drejtë vendimin e Ministrisë së Tregtisë dhe Industrisë për vendosjen e një takse doganore prej 35 për qind për çimenton e importuar, duke e cilësuar këtë masë si favorizuese për prodhimin vendas, të kërcënuar nga falimentimi. Michalis Sigalas, drejtori ekzekutiv për Evropën Juglindore i kompanisë greke “Titan Group“, pronare e “Sharrcemit”, ka thënë se vendimi i Qeverisë së Kosovës ka ardhur pas kërkesë së bërë nga kompania e tij.

“Marrëveshjet ndërkombëtare tregtare (OBT dhe CEFTA) dhe ligji i Kosovës ofrojnë një kornizë të qartë ligjore të masave mbrojtëse për raste të tilla dhe parashikojnë zbatimin e tyre për importet që dëmtojnë ose rrezikojnë industrinë lokale. Kur ka aplikuar te ministria për vendosjen e këtyre masave, ‘Sharrcemi’ ka kërkuar zbatimin e ligjit”, ka thënë Sigalas, qytetar grek të mërkurën, në konferencë për media.

Sipas tij, taksa e vendosur nuk do të jetë afatgjatë. Sipas tij, nuk kanë të drejtë ata që taksën doganore për çimenton e importuar janë duke e trajtuar si çështje shtetërore mes Kosovës dhe Shqipërisë. “Kjo masë prek edhe eksportuesit e çimentos nga Maqedonia dhe Serbia. Janë prekur edhe fabrikat prodhuese të ‘Titan Group’ dhe ‘Holcim Group’ në këto dy vende”, ka thënë Sigalas. Ai u ka bërë apel kritikuesve të masave të vendosura nga Mimoza Kusari-Lila që ta kenë parasysh se “Sharrcemi” është kompani kosovare.

“Importuesit synojnë të mbrojnë fitimet e tyre, por këtë e bëjnë në dëm të industrisë që sjell investim direkt të huaj dhe që u jep mundësi 500 familje të punëtorëve”, ka thënë Sigalas. Ai ka deklaruar se “Sharrcemi” nuk do ta ngrejë çmimin e çimentos derisa të jenë në fuqi masat në favor të kompanisë së tij. “Sharrcem’është ndër tatimpaguesit më të mëdhenj në Kosovë. Ftoj Ministrinë e Financave që të publikojë të dhënat krahasuese të tatimeve të mbledhura nga ‘Sharrcemi’ dhe nga kompanitë importuese”, ka thënë Sigalas.
(sg.shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Namir Lapardhaja: Zgjedhja e drejtuesit të SPAK nga populli, hapi i nevojshëm për pavarësinë e vërtetë të drejtësisë

Namir Lapardhaja: Zgjedhja e drejtuesit të SPAK nga populli, hapi i nevojshëm për pavarësinë e vërtetë të drejtësisë

25 Nëntor, 10:25 nga Namir Lapardhaja