POP 5

Lajmet më të lexuara të 5 minutave të fundit

Ekonomi

Pronat, mbi 2 milionë euro
për familjen Delvina

Familja Delvina do të dëmshpërblehet me shumën prej 2,002,900 euro, në bazë të vendimit të Këshillit të Ministrave të ditës së djeshme, për ekzekutimin e vendimit të Gjykatës Europiane.
Pronat, mbi 2 milionë euro<br />për familjen Delvina
TIRANE- Familja Delvina do të dëmshpërblehet me shumën prej 2,002,900 euro, në bazë të vendimit të Këshillit të Ministrave të ditës së djeshme, për ekzekutimin e vendimit të Gjykatës Europiane. Shuma prej mbi 2 milionë eurosh do të ndahet proporcionalisht midis shtetasve Sherif Delvina, Ahmet Delvina dhe Fatime Delvina.

Ajo që vlen të theksohet për pasurinë e paluajtshme, që do të dëmshpërblehet, për familjen Delvina, është fakti se trualli ndodhet në territorin e Ambasadës Italiane në Tiranë, për të cilin organet gjyqësore shqiptare kishin vendosur kompensimin në favor të pronarëve. Por ky vendim nuk u ekzekutua kurrë, duke bërë që trashëgimtarët të çonin çështjen në Gjykatën Europiane të të Drejtave të Njeriut në Strasburg.
 
Strasburgu
Trashëgimtarët Delvina e kanë paraqitur kërkesën e tyre për dëmshpërblim të truallit, që ndodhet në Ambasadën Italiane në Tiranë, në datën 23 nëntor 2006. Gjykatë Europiane e ka cilësuar të drejtë këtë kërkesë dhe e dha vendimin me datën 8 mars të vitit 2011. Ky vendim u zbardh i plotë në 8 qershor. Vendimi bazohet në nenin 41 të Konventës Europiane të të Drejtave të Njeriut. Sipas vendimit të Gjykatës së Apelit Tiranë, trashëgimtarët Delvina kanë përfituar kompensimin për 1600 metër katrorë truall, e cila është në Ambasadën italiane.  

Shkrimi u publikua sot (27.03.2014) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51