TIRANË- Propozimet e bëra ditën e sotme nga kryedemokrati Lulzim Basha, për bashkëkryetarin e Reformës Zgjedhore, Damian Gjiknurin kanë hedhur poshtë të gjithë punën e bërë nga Komisioni deri më tani. Për Gjiknurin, të gjitha propozimet e Bashës janë krejtësisht të kundërta me ato që PD- ja ka sjellë në këtë tryezë duke futur këtë reformë në një ngërç. Nisur nga fakti që gjatë këtyre ditëve janë rënë dakord mbi shumë çështje, propozime këto nga opozita, për Gjiknurin këto kërkesa, por edhe shtyrja e mbledhjes së sotme, në ditën kur do të diskutohej ndryshimi i sistemit, shkatërrojnë frymën konsesuale që karakterizonte tryezën deri më tani.
Gjiknuri shprehet se PD me këtë veprim nuk njeh propozimet e veta, teksa vetë kryetari i saj do që të sabotojë tryezën e marrëveshjes për Reformën Zgjedhore dhe 15 marsin.
"Në ditën kur të gjithë prisnin që opozita jashtëparlamentare të paraqitej në tryezën e reformës zgjedhore për të dorëzuar propozimet e saja për çështjen e administratës dhe sistemit zgjedhor, Partia Demokratike vendosi ta shtyjë mbledhjen. Deklarimet publike të kryetarit të PD bien në kundërshtim me vet frymën konsensuale me të cilën ka ecur puna e deritanishme e tryezës politike të reformës. Vizionin e tij për shtetin, Lulzim Basha mund ta deklarojë në fushata zgjedhore por kjo nuk ka lidhje me Kodin Zgjedhor. Sa për kujtesë, çështja se sa dhoma duhet të ketë Kuvendi i Shqipërisë është trajtuar gjërësisht në reformën kushtetuese të vitit 1998.
Fatkeqësisht, me deklarimet e sotme, Basha ka vendosur që të mos njohë as propozimet zyrtare të dorëzuara deri më tani nga partia e tij në këtë tryezë dhe as dakordësitë e arritura mes palëve. Rikujtoj se deri më tani, palët kanë arritur konsensus si për rolin e Policisë së Shtetit, Prokurorisë, hetimin nga SPAK të veprave penale të korrupsionit zgjedhor, sanksionimin dhe mbrojtjen e raportuesve të shkeljeve zgjedhore, financimin miks të fushatave zgjedhore, identifikimin elektronik të zgjedhësve në qendra votimi ose fillimin e zbatimit me projekte pilot të votimit elektronik etj.
Duke mos dashur të besoj se meraku i vetëm i Partisë Demokratike është sabotimi dhe dështimi i tryezës së reformës zgjedhore përpara datës 15 Mars, rikujtoj se mbledhja e rradhës së tryezës politike është ditën e Hënë, ora 10:00. Mbetemi në pritje të propozimeve zyrtare të Partisë Demokratike mbi administratën zgjedhore dhe sistemin zgjedhor, për të cilin sikurse është rënë dakord, duke qenë se prek dhe Kushtetutën mund të kërkojë më shumë kohë edhe përtej 15 Marsit. Riktheksoj se mazhoranca ka vullnetin dhe detyrimin për ta përmbyllur sa më parë reformën zgjedhore duke adresuar plotësisht rekomandimet e OSBE/ODIHR.
Në tryezën politike të reformës zgjedhore diskutohen VETEM çështje që kanë të bëjnë me Kodin Zgjedhor. ASNJE çështje tjetër që shkon përtej kësaj nuk është objekt diskutimi në këtë tryezë", tha Gjinkuri.
Kryedemokrati Lulzim Basha kërkon krijimin e një senati që sjell një parlament me dy dhoma, ku sipas tij nga njëra anë duhet të jenë 100 deputetët e parlamentit, dhe nga ana tjetër 40 anëtarët e Senatit që do të ngrihet për t'i kërkuar llogari qeverisë. Kryedemokrati thotë se duhet 'vetting' paraprak për të gjithë kandidatët për deputetë dhe kryebashkiakë, gjë e cila sipas tij të bëhet nga një organizëm i ri dhe i pavarur. Ai gjithashtu propozon për herë të parë shpërblim për ata që raportojnë vjedhjen e votës gjatë procesit zgjedhor. Basha i është rikthyer kërkesës së tij për qeveri kujdestare 100 ditë para zgjedhjeve, derisa Shqipëria të bëhet anëtare e BE.
Komente
Lajme të tjera
-
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Basha për situatën në vend: Kryeministri me fjalor ‘Noc Rroku’ mbushi Parlamentin me Çyrbet e tij, antimodeli i një shoqërie ku ka pllakosur dhuna dhe arroganca!
20 Nëntor, 15:16 -
Krimet në vend, Basha: Pasqyrë e degradimit të sigurisë, Rama erdhi në pushtet me mbështetjen e krimit
19 Nëntor, 15:22 -
Bonuset për pensionistët, Basha: Lëmosh elektorale për të fshehur dështimin me pensionet e qeverisë më të korruptuar në Europë
18 Nëntor, 12:55 -
Eduard Zaloshnja: Tavani elektoral i Berishës, i PD-së, dhe i partive të reja deri më sot
16 Nëntor, 12:33
-
Fondet e BE-së për bujqësinë, Basha: Korrupsioni dëmtoi fermerët! Programi i Demokratëve Euroatlantikë me subvencione të drejtpërdrejta
16 Nëntor, 11:30 -
Berisha paralajmëron tjetër ‘pakt’ me PS: Gati të votojmë çdo ndërhyrje në Kod për votën e diasporës
13 Nëntor, 17:13 -
Basha zbulon programin në Federatën Globale për Konkurrueshmëri: Taksë e sheshtë 9%, trajnime për 25 mijë të rinj, investime në teknologji dhe Inteligjencën Artificiale
12 Nëntor, 15:20 -
'Dy qëndrimet e Ramës për reformën në drejtësi', Basha poston videon: Bashkë me Berishën po bëjnë gjithçka për të goditur SPAK
11 Nëntor, 22:37 -
Alban Daci: Më mirë vetëm se i keq shoqëruar
10 Nëntor, 22:19
-
Basha nxjerr videon: Ndarja e politikës me krimin prioritet, rasti Çyrbes dëshmon se mandati i Ramës është produkt i bandave
10 Nëntor, 18:40 -
Basha: Tymi që mbulon sot Elbasanin është akuza më e madhe publike ndaj Edi Ramës, projekt korruptiv
9 Nëntor, 15:58
MOS U MERR O GJIKNUR ME PLEHRAT E PD DHE LSI,,,,,ATA VETEM PER TE VJEDHUR e VRARE MENDOJNE ,,,nuk I bie ne mend atyre per popullin...
PërgjigjuPo a e di Basha se ne tre zgjedhjet e fundit vjedhjet me te medha i ja kryer leshilikes dhe Nafije Dybeku , rasti ne shijak kur leshelija merrte historikisht 200 vota por me aktivizimin s bandes se Altin Hajrit shokut te Habib Burgibes leshelija arriti me ane te blerjes se votave nga banda Hajri ne 2000vota.
Përgjigju