Pavarësisht se Reforma Zgjedhore duket larg një produkti konkret apo konsensual mes palëve, socialistët e kanë gati draftin e tyre që e prezantuan para ekspertëve të ODIHR, të cilët prej dy ditësh ndodhen në Tiranë.
Për detyrimin kushtetues për votën e emigrantëve, mazhoranca kërkon që të bëhet me postë ndërsa vota e tyre, sipas draftit të përgatitur nga ekspertët, do të llogaritet në rezultatet e qarkut ku ky votues ka pasur vendbanimin e fundit në Shqipëri dhe figuron i regjistruar në gjendje civile. Për ish-kreun e KQZ-së Kristaq Kume, kjo është një nga metodat më lehtë të realizueshme, por ngërçi qëndron tek efekti që do të prodhojë realizimi i saj.
“Për mua është zgjidhja më e përshtatshme për të bërë realizimin e votës nga jashtë që nuk kërkon as shumë energji politike. Por ajo që është thembra e Akilit, është detyrimi që shtetasi që jeton jashtë të ketë regjistruar adresën e tij jashtë vendit. Deri më sot e kemi tek 16 mijë qytetarë. Të kesh një adresë të shtetasve të tu është normale. Por duke iu referuar kësaj situate që nuk e kanë realizuar këtë kërkesë të ligjit, bën që gjithë kjo zhurmë e madhe për votën e emigrantëve të mos prodhojë asgjë. Sepse 16 mijë, 20 apo 30 mijë vota nuk sjellin asgjë. Është për mua jo reflektim real i situatës”, shprehet Kume.
Depolitizimi i administratës zgjedhore, është një tjetër kërkesë e socialistëve. Në draftin e tyre ata propozojnë që trupa e komisionerëve zgjedhore të përzgjidhet mes radhëve të administratës shtetërore që kanë statusin e nëpunësit civil, punonjësit e arsimit, dhoma e avokatëve dhe grupe të tjera.
Por për ekspertin zgjedhor, ky propozim do të ishte jo efektiv në rast se nuk vendosen dy kushte në përzgjedhjen e komisionerëve.
"Kur është diskutuar në këshillin politik, nuk është pranuar, pasi thanë që kjo është njësoj si t’ia japësh administratën zgjedhore mazhorancës dhe kishin të drejtë. Të drejtën për të qenë nesër në detyrën e komisioneri duhet ta ketë çdo qytetar shqiptar që pranon dhe certifikohet nga KQZ, por me dy kushte. 1. Mos të ketë qenë anëtar partie 5 vitet e fundit dhe 2. Të mos ketë qenë asnjëherë komisioner i një partie politike. Në këtë mënyrë hapet rruga për të ngushtuar efektin e partive politike”, tha Kume.
Një tjetër detyrim që gjykata kushtetuese i ka lënë kuvendit, është rregullimi i masës së herësit, ose thënë ndryshe sa vota parapëlqyese duhet të marrë një kandidat për të marrë mandatin e një deputeti edhe pse i renditur poshtë listës fituese. Për këtë pikë, partia demokratike kërkon hapjen e plotë të listave duke bërë që deputetët fitues të renditen sipas votës së qytetarëve.
Lajme të tjera
-
Konferenca e Kryetarëve/ PS rrëzon komisionin hetimor për Ballukun, lidhur me Porto Romanon! Bardhi: Aferë korruptive! Balla: Kërkoni 6 muaj hetim, s'ka kohë
23 Dhjetor, 12:27 -
Balla takim me punëtorët shqiptarë në Toskana: Deri në Pashkë shpresojmë të arrijmë marrëveshjen për njohjen e pensioneve! Merrni pjesë në votime
21 Dhjetor, 17:10 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Ylli Pata: A do pranohet nga socialistët, propozimi i SHBA për zgjatjen e mandatit të prokurorëve të SPAK?
20 Dhjetor, 19:33
-
Shqipëria e Kosova nesër mbledhje të përbashkët të dy Kuvendeve, ‘përjashtohen’ Berisha e Basha! Lista e deputetëve pjesëmarrës
19 Dhjetor, 14:16 -
Ben Andoni: Politika nuk i njeh më shqiptarët
17 Dhjetor, 17:42
-
Projektligji i PS-së për faljen e gjobave kalon në komisione, amnisti dhe për ndërtimet individuale pa leje në fshat e qytet në 10 vitet e fundit
17 Dhjetor, 11:38 -
Zgjedhjet 2025 dhe vota e diasporës, Rama mbledh në seli drejtuesit politikë të PS
16 Dhjetor, 10:42 -
Eduard Zaloshnja: A do të bëhen partitë e reja pengesë për 84 mandatet e Ramës?
15 Dhjetor, 12:44
-
PS ndez motorët në Kukës, Majko: Opozita e vjetër destabilizuese, e reja populiste! Kushi: Më shumë angazhim për votën e diasporës
14 Dhjetor, 21:10
-
Përplasja për mandatin e Zaçajt, Logu në Report Tv: Ka prapavijë politike, grusht shteti! Kara: E nxitur nga Berisha! Avokati: PS-PD janë bërë bashkë
13 Dhjetor, 18:30 -
Sondazhi i Report Tv/ Nëse votohet sot, PS merr mandatin e 4! Bie mbështetja për PD, rriten me 5% partitë e reja! Dumani kampion i antikorrupsionit, diaspora: Mesazh kundër Berishës
12 Dhjetor, 22:59
