Deputeti dhe kryetari i partisë Republikane, Fatmir Mediu ka hedhur tezën e krijimit të një ‘federate opozitare’ ku të përfshihen të gjitha partitë politike të opozitës në vend. I ftuar në studion e Kontrast me gazetarin Denis Minga në Repot TV, duke folur për një alternativë të mundshme për të zgjidhur krizën e opozitës, Mediu tha se kjo ‘federatë opozitare’ duhet të kryesohet nga një grup deputetësh të cilët gëzojnë mirëbesimin e të gjithëve.
“Unë mendoj që këtë çështje opozita duhet ta ngrejë në nivel politik duke krijuar një federatë opozitare ku të jenë të gjitha partitë politike që drejtohet nga një grup koordinues deputetësh që gëzojnë mirëbesimin e të gjithëve, që ndërton një lloj platforme të veprimit opozitar, krijon një grup negociator ndërkombëtar të mandatuar nga opozita, të gjendet edhe mënyra për të vepruar në nivelin parlamentar me përfshirjen e të gjithë deputetëve opozitarë të dalë nga zgjedhjet 2021”- tha Mediu.
Ai shtoi se duhet që faktorët politikë të opozitës të lënë debatet dhe të bashkohen rreh një programi politik ku të flitet për ide dhe jo individë. Sipas tij, duhet që koalicioni opozitar të veprojë edhe në planin ndërkombëtaar, përveç atij parlamentar.
“Ne jemi në atë pikë që nuk kemi zgjidhje tjetër përveçse të mendojmë sesi të fitojmë. 600 mijë vota kushdo ti ketë nuk janë të mjaftueshme të fitohen zgjedhjet. Duhet që të gjithë faktorët politikë opozitarë të lënë këtë lojën e debateve me njëri tjetrin dhe të bashkohen Një koalicion opozitar është i nevojshëm dhe është shumë e rëndësishme sesi t’i qasemi për të krijuar programin politik dhe më pas marrëdhënien elektroale. Kjo federatë shërben si tryezë e një diskutimi politik që ndërton koalicion të rëndësishëm opozitar. Vepron në planin parlamentar, në planin politik të ideve dhe në planin ndërkombëtar”- shtoi Mediu.
Më tej, Mediu tha se Basha pavarësisht situatës brenda PD rrugëtimin e tij politik do të ketë me opozitën ndërsa përplasjet aktuale janë të përkohshme. Pavarësisht se nuk ka marrë pjesë në aksionin e dhunshëm të opozitës, Mediu tha se mbështet kauzën dhe ndërprerjen e punimeve në parlament deri në përmbushjen e kërkesave të opozitës.
Kryetari i Partisë Republikane, Fatmir Mediu ka folur për procesin që po mbahet ndaj tij për tragjedinë e Gërdecit, ku së fundmi kanë dëshmuar disa ish-punonjës dhe ish-ushtarakë. I ftuar në Kontrast, me gazetarin Denis Minga në Report Tv, Mediu u shpreh se nuk ka asgjë që e fajëson atë për tragjedinë e ndodhur në kohën kur ishte ministër i Mbrojtjes, duke shtuar se procesi ndaj tij është i padrejtë.
“Ne jemi në ballafaqim në gjykatë. Ka dy palë, prokuroria dhe mbrojtja. Ne parashtruam kërkesat tona për dëshmitarë. Prokuroria nuk bëri asnjë arsyetim pse i thirri gjithë ato dëshmitarë që deri tani ka treguar se nuk kanë pasur asnjë lidhje me diçka që fajëson ministrin, zero! Kur ti vendosesh përballë dëshmitarit, duhet të kesh hapësirën për të bërë pyetjet e duhura. Nëse i jep gjithë kohën akuzës, ky nuk është një proces i drejtë. Drejtësia nuk është statistikë e as media. Drejtësia nuk është opinion publik”-tha Mediu.
Sipas tij, nuk jemi në një fazë ku kemi një drejtësi që respekton ligjin ndërsa tha se nuk ka mëdyshje mbi ligjshmërinë e vendimeve të tij gjatë kohës që ka qenë ministër i Mbrojtjes.
“Më shqetëson që nuk jemi në atë fazë që të kemi një drejtësi që respekton ligjin. Jam i përgatitur për pafajësinë. Nuk kam mëdyshjen më të vogël që çdo vendim i imi ka qenë i lijgshëm. Unë nuk e kam bërë debat mediatik. Nuk ka përgjegjësi ministri i Mbrojtjes mbi vendosjen e barutit”- tha Mediu.
Komente
Lajme të tjera
-
Adriatik Doçi: Deputetët e PD që kanë mbi 3 shtëpi me rrogë shteti, bie sfida e Berishës për Altin Dumanin
23 Dhjetor, 09:32
-
Shtyhet seanca për masakrën e Gërdecit, revoltohet Mediu: Ç'punë kam unë me kalibrat e municioneve që më hetojnë, isha ministër
18 Dhjetor, 10:20 -
Evi Kokalari demaskon Berishën: Mos e zë më në gojë Trump, solle degjenerata në Washington e pretendon se bashkëpunon me Republikanët
13 Dhjetor, 09:56 -
Shtyhet seanca ndaj Mediut, shkak mungesa e avokatëve! Gjykata i gjobit me 50 mijë lek, pasi bëhen shkak për shtyrjen e procesit
11 Dhjetor, 09:55
-
Rrëfimi i Packouz për Gërdecin, Doçi në Report Tv: Shkëlzen Berisha pronar 'de facto' i biznesit vdekjeprurës, loboi për ta ngritur! Vdekja e dyshimtë e Trebickës
10 Dhjetor, 18:11 -
Zëri i Amerikës - Fatmir Mediut: Jeni nën hetim për Gërdecin, pse nuk jepni dorëheqjen?
4 Dhjetor, 12:49 -
Berisha nesër në Kuvend, Baçi: U izolua politikisht! Maloku: Zgjedhjet do tregojnë sa e fortë është PD pas përplasjeve
2 Dhjetor, 14:53 -
'Gërdeci' në GJKKO, Mediu flet pas seancës: Nuk kisha autoritet për kalibrat! Mendimi vjen i fimosur nga shefi i shtabit të përgjithshëm, këshilltar i kryeministrit dhe presidentit
26 Nëntor, 10:02 -
Data e zgjedhjeve 2025/ Presidenti nis takimet me partitë! ‘Të vegjlit’ propozojnë 4 majin! Begaj: Hapi i parë i një procesi që duhet të jetë model
20 Nëntor, 07:24 -
Zgjedhjet 2025/ Presidenti Begaj nis konsultimet me partitë për datën! Nesër pret PR, PBDNJ, PDIU e LZHK! Më 25 nëntor PS dhe PD
19 Nëntor, 16:34 -
Përfaqësuesit e opozitës shqiptare në SHBA pranë Republikanëve! Deputetët Vokshi dhe Mediu ndjekin fushatën presidenciale dhe të Kongresit në Kaliforni
3 Nëntor, 17:43 -
Akt ekspertimi për masakrën e Gërdecit/ Mediu në GJKKO: Ekspertët janë përgjigjur njësoj si në 2008, s’kanë studiuar mbi 80% të dokumenteve! Akuza pa bazë
30 Tetor, 11:07
Federate opozitaret?Si shtet Brenda shtetit?Kaloni ne zgjedhjet te reja me sistema mazhoritar.Dhe do te shihni nje opoziten te forte dhe me kapacitete intelektuale,Jo rrugace listash te hapura e te mbyllura.
Përgjigju