Propozimi për subvencionimin e medias, Suela Musta për Report Tv: Bordi i AMA-s e mbështeti

TIRANE-Anëtarja e Autoritetit të Mediave Audiovizive, Suela Musta u shpreh për Report Tv se pas paketës që propozoi, bordi i AMA-s shprehu vullnetin pozitiv për mbështetjen e medias në këtë kohë të vështirë si pasojë e koronavirusit. Musta tha paketa nuk duhet që të mbështesë platformat dixhitale, pasi ato paguhen nga qytetarët, por pjesën tjetër. Paraditen e sotme Musta propozoi planin prej 7 pikash, që t'u vijë në ndihmë mediave audiovizive si dhe portaleve online, të cilat janë prekur ekonomikisht në mënyrë të drejtpërdrejtë ose të tërthortë nga koronavirusi.

Prononcimi i plotë për Report Tv i Suela Mustës
Ne kishim një mbledhje online të bordit ku ndër të tjera miratuam rendin e ditës, që ishte brenda axhendës dhe unë propozova këtë draft masash, që mund të lehtësojnë gjendjen e vështirë financiare që ka kapur median. Media mbahet mbi paranë, reklamat që janë burimet kryesore të financimit.

Por biznesi është bllokuar dhe një pjesë janë në prag falimentimi dhe media është projektim i kësaj krize. Drafti i propozuar ka të bëjë me një rishikim të tarifës së përvitshme të licencës. Ne duhet të sqarojmë një gjë shumë thelbësore. Ne duhet të kemi parasysh që krahas medieve lokale apo kombëtare bëhet fjalë edhe për platforma dixhitale që paguhen nga qytetarët, dhe që nuk mund të trajtohen njëlloj me televizionet e tjera, si ju dhe të tjerët.

Të gjitha duhet të subvencionohen?
Një nga propozimet që kishte të bënte me propozimet nga të gjithë pronarët e medieve dhe të paraqiten sa më parë dhe të shtrohet kjo paketë diskutimesh kjo analizë, pasi unë nuk jam eksperte. Megjithatë kjo i përket palëve të interesuara, TV-ve që duhet të sjellin propozimet. Ekzekutivi mund të ngrejë mënyrë dhe propozime si qeveria të subvencionojë televizionet për pagat e gazetarëve dhe stafeve.

A e keni mbështetjen?
I gjithë bordi shprehu vullnetin pozitiv për mbështetjen në këtë situatë të rëndë, por detajet do të mbeten në ditët në vijim dhe do të diskutohen.

d.ba./r.k./Shqiptarja.com
  • Sondazhi i ditës:

    A po e menaxhon siç duhet qeveria pandeminë e COVID-19?

Komento

Komente

  • Ama: 25/03/2020 19:04

    Bravo

    Përgjigju


×

Lajmi i fundit

John

Mesazhi i fortë i SHBA: Mbështesim me forcë SPAK, koha të bëjnë punën e tyre pa kërcënime pavarësisht kush është i pandehur