Shfrytëzoi për qëllime prostitucioni tre të mitura në qytetin e Shkodrës, prokuroria e krimeve të rënda kërkon 20 vite burg për Xhevahir Osjan, i arrestuar në Qershor të 2014-ës.

Osja akuzohet se me anë të mashtrimit ka shfrytëzuar tre të miturat me iniciale B.M, F.K dhe G.B për qëllime prostitucioni, duke i siguruar klientë e më pas përfitonte të ardhurat.

Për të faktuar përfshirjen e Osjes në shfrytëzimin e tre të mituareve prokuroria ka administruar dhe dëshminë e minorenes me iniciale F.K, ku ajo sqaron se 23 vjecari i siguronte vajzave klientët.

- Ka ndodhur te ju kete gjetur klient Xhevahir Osja?
- Po ka ndodhur.
- Kush e bente pazarin e klienteve ?
- Une se kam bere por e ka bere ai vete.
- Keni dijeni se cfare pune ka bere G.B. ne kohen qe keni qendruar ne te njejten banese me qera.Ka ushtruar prostitucion G.B ?
- G.B ka bere edhe me perpara dhe gjate kohes qe ka qene ne shtepi me mua, po ka ushtruar prostitucion.
- A i ka gjetur klient Xhevahir Osj, G.B.?
- Xhevahiri i ka gjetur klient G.B.
-- Klientet nga ishin i mban mend me emrat ?
- Nuk i mbaj mend. Klientet ishin nga fshatrat e Shkodres.
- A eshte e vertete qe keni marre leke kundrejt sherbimit seksual nga duar e Xhevahirit?
- Po kam marre.


Sipas prokurorisë i pandehuri ka kryer një sërë veprimesh aktive të cilat përbëjnë vepër penale dhe konkretisht: Ka gjetur të dëmtuarat, ka studiuar të dhënat personale të tyre, ka joshur të dëmtuarat me pretekstin e gjetjes së klientelës, ka gjetur klientët, ka marrë paratë e përftuara nga ushtrimi i prostitucionit e për këto kërkohen burgimi me 20 vite.

Redaksia Online
(al.h/shqiptarja.com)