POP 5

Lajmet më të lexuara të 5 minutave të fundit

Kronikë

Takimi tek Ekonomiku/ Studentët 'ultimatum' Dhori Kules: Afat deri nesër për të plotësuar ato që premtove, ose jep dorëheqjen

Pas premtimeve të Dhori Kules për ulje të tarifave, përmirësim të procedurave të rekrutimeve, dhe bërjes publike të fondeve që ka nën administrim, studentët i kanë thënë se ka afat deri nesër për të përmbushur këto kërkesa.

Studentët e Fakultetit të Ekonomisë i kanë lenë afat deri nesër dekanit Dhori Kule për të plotësuar ato që tha sot në takimin me studentët. Kule u shpreh se nga nesër do të bëhen publike të gjitha fondet që ka në administrim, se është dakord me uljen e tarifave dhe se procedurat për të kryer rekrutime në këtë Fakultet do të përmirësohen në mënyrë që të jenë sa më të rregullta. Por janë studentët ata të cilët i kanë thënë Kules se ka afat deri nesër për të realizuar këto premtime. Dekani i Fakultetit të Ekonomisë në Universitetin e Tiranës, Dhori Kule, zhvilloi një takim me studentët e këtij fakulteti paralelisht me protestën që po zhvillohet ditën e sotme nga studentët. (LEXO KËTU). Report Tv mësoi se studentët kërkuan dorëheqjen e Kules, për shkak të keqmenaxhimin dhe abuzimin në këtë fakultet. 

“Keqmenaxhim dhe abuzime në fakultet. Kule të japë dorëheqjen”,-mësohet se janë shprehur studentët. Takimi që po zhvillohet sot ishte parashikuar të zhvillohej që në 15 dhjetor, por në takimin e organizuar nga studentët, Kule nuk mori pjesë.

Takimi i Kules me studentët vjen pak ditë pas kritikave të Kryeministrit Edi Rama për rektorët dhe dekanët e të gjitha Universiteteve në vend. Rama paralajmëroi rektorët dhe dekanët se pas protestës së studentëve, do të rishikohej autonomia e universiteteve.

Rendit zhvillimet sipas orarit:
Ora 18:57
Studentët-Kules: Afat deri nesër për të plotësuar ato që the, ose jep dorëheqjen

Studentët e Fakultetit të Ekonomisë i kanë lenë afat deri nesër dekanit Dhori Kule për të plotësuar ato që tha sot në takimin me studentët. “Nëse nuk i realizon nesër ato që the, jep dorëheqjen.”-kanë thënë studentët. Ndërkohë që përgjigjien nuk ua ka dhënë Kule po zv.dekani, Alban Korba. Korba është shprehur: “Çdo gjë që nuk shkon është përgjegjësia ime”-ka thënë ai. Studentët këmbëngulin që të flasë Kule dhe të mos i shmanget përgjegjësisë.

Ora 18:14
Studentët-dekanit:  Duam punë konkrete. Kule: Që nesër do t’i bëj publike fondet. Rekrutimet, në mënyrë të rregullt

Dekani i Fakultetit të Ekonomisë, Dhori Kule është shprehur në takimin me studentët se rekrutimet dhe punësimet në këtë fakultet bëhen në mënyrë të rregulltë. Studentët ndërkohë janë shprehur: Duam punë konkrete, përgjigjie konkrete. “Akuzat për plagjiaturë nuk janë fakte. Transparenca e fondeve që kam në administrim, që nesër i bëjmë publike. Rekrutimet bëhen në mënyrë të rregulltë”-është shprehur Kule.

Ora 17:45
Takimi tek Ekonomiku/ Dhori Kule: Kemi propozuar uljen e tarifave. Studentët: Bëji publike letrat

Vazhdojnë diskutimet mes studentëve dhe dekanatit të Fakultetit të Ekonomisë. Shqiptarja.com ka mësuar se Kule iu ka thënë studentëve se është bërë propozimi për uljen e tarifave. “Kemi bërë kërkesë-propozim për uljen e tarifave”-ka thënë Kule. Por studentët nuk janë bindur, ata i kanë thënë dekanit: Bëji publike propozimet dhe kërkesat bashkë me letrat e dorëzuara. Kule iu është përgjigjur: Ne jemi të gatshëm të plotësojmë 8 kërkesat tuaja.

Ora 17:33
Studentët-Dhori Kules: Rama ua hodhi juve fajin, ju s’mbrojtët dot veten, i realizoni dot 8 pikat?

Studentët që ndodhen në takimin në Fakultetin e Ekonomisë me dekanin Dhori Kule kanë kërkuar përgjigje për realizimin e 8 pikave të kërkuara prej tyre.

Takimi i Kules me  studentët:

Dhori Kule: Kushtet janë vërtet katastrofë. Jemi si të burgosur. Do ishin marrë masat menjëherë, se kishim ne në dorë.

Studentët: Të ishim më racionalë. Para disa ditësh u bë takimi me kryeministrin, ishte shfaqja më e turpshme që kam parë. Ishte një person që ofendoi gjithë dekanatin dhe kishim një dekanat që s’e mbrojti veten në asnjë moment. Tani, meqë Rama ua hodhi juve fajin, a jeni gati ju të realizoni 8 pikat? A kemi një afat? (Studentët duartrokasin)

Dhori Kule: Ja e kuptoni rolin tuaj?

/r.k./Shqiptarja.com
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Protesta e Berishës, Faik Basha i PL-së e pranon: Nuk kishim shumë njerëz edhe prej motit! Haklaj: Mosbindja civile, teatër! PD bllokoi rrugët, vepër penale

Protesta e Berishës, Faik Basha i PL-së e pranon: Nuk kishim shumë njerëz edhe prej motit! Haklaj: Mosbindja civile, teatër! PD bllokoi rrugët, vepër penale

25 Dhjetor, 17:47