POP 5

Lajmet më të lexuara të 5 minutave të fundit

Politikë

Protesta dhe trazira, Kuvendi rrit sigurinë me dyer e dritare të blinduara...makinat jo më të vjetra se 2012-a

Pas protestave dhe trazirave të shumta, byroja e Kuvendit ka vendosur të rrisë sigurinë në ambientet e jashtme dhe jo vetëm. Në relacionin e buxhetit është parashikuar që të shpenzohen 80 milion lekë për dyer dhe dritare të blinduara. Gjithashtu në Kuvend nuk do të ketë më autoveturave të viteve para 2012. Rikonstruksioni i sallës së seancës plenare do kushtojë 161 milion lekë

TIRANE - Nëse Ministria e Financave nuk miraton buxhetin prej rreth 11 miliardë lekësh për kompleksin e ri parlamentar, në planin e shpenzimeve të Kuvendit të Shqipërisë është parashikuar një rikonstruksion i sallës së seancës plenare dhe rritja e sigurisë në ambientet e jashtme të Kuvendit.

Godina e Seancave Plenare të Kuvendit është Monument Kulture i Kategorisë së II, dhe ndodhet brenda zonës së mbrojtur të qendrës historike të Tiranës. Rikonstruksioni i kësaj godine do të kushtojë 161 milion lekë.

Për vitin 2020, duke pasur parasysh protesta dhe trazirat e ndodhura gjatë vitit 2019 është kërkuar nga  byroja e Kuvendit të vendosen dyer dhe dritare të blinduara në vlerë totale rreth 80 milion lekë.

Me argumentet së duhet të jetë më ekonomik konsumi i karburantit  dhe të rritet siguria në lëvizje, në Kuvend nuk do të ketë më autoveturave të viteve para 2012.

Për vitin 2020 janë planifikuar  17 mil lekë për blerjen e 3 autoveturave dhe në vitin 2021 blerja e 2 autoveturave në vlerë 6 mln lekë duke e përfunduar kështu procesin e rinovimit të autoveturave të Kuvendit.

Nëqoftëse se buxheti miraton fondin e kërkuar për ndërtimin e Kompleksit të Ri Parlamentar për 4 vitet e ardhshme, Kuvendi i Shqipërisë nuk do të vazhdojë me projektet e investimeve në lidhje me Rikonstruksionin e Sallës së Seancave dhe Rikonstruksionin e dyerve dhe dritareve.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Qytetari: 28/09/2019 23:30

    Deputete, para se te kerkoni Parliament te ti, shkoni shikoni pak jetimoret, azilet, police, ushtaret, unaza e re qe Nuk ka nje cerdhe apo kopesht, onkologjiku, Urgjenca etj etj pastaj vendosni. Une them tju heqin 500 mine leke pension qe merrni per nje mandat, ju doni salltanete te tera. Tmerr.

    Përgjigju
  • zzz: 28/09/2019 18:07

    Te shihet edhe mundesia e blerjes se 140 automjete te blinduara dhe veshje prej hekri te depuputeteve, se sic parashikohen ngjerjet veshtire do jete dimri i ketij viti, dita zvogelohet nata vjen shpejt ne oren 16 dhe molotovet jane gati

    Përgjigju
  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

E 'dogji' me alkool dhe duhan, gjimnastja japoneze përjashtohet nga Lojërat Olimpike

E 'dogji' me alkool dhe duhan, gjimnastja japoneze përjashtohet nga Lojërat Olimpike

22 Korrik, 20:55