Nga Saranda, në Vlorë, Korçë e Kukës, protestuesit e opozitës nisen drejt Tiranës

Disa orë para nisjes së protestës së opozitës para Kryeministrisë kanë filluar mobilizimet dhe nisjet nga rrethet. Duke pasur parasysh distancën nga Tirana, të parët që janë nisur janë simpatizantët opozitarë nga Saranda. Gazetari i Report Tv, Limos Didani raporton se një autobus me mbështetës të PD nga Saranda dhe një nga Konispoli janë nisur drejt Tiranës për t'u bashkuar me protestën e opozitës në orën 18:00. Gjithashtu nga Mati, Burreli, Dibra, Bulqiza, Vlora, Korça dhe Kukësi janë nisur protestues.

Kreu i PD në Kukës, Arif Rexhmati tha se qytetaret kuksiane dhe mbështetesit e PD janë nisur me autobusë dhe me makina personale drejt Tiranës. Disa orë para fillimit të protestës së opozitës para Kryeministrisë, kryetari i Bashkisë Kukës Bashkim Shehu shkruan se "sot është dita e protestës së madhe kundër qeverisë së korruptuar. Kukësi është ndër të parët qytete dhe ndër të vetmit që i ka thyer dhëmbët hajduteve të pushtetit".

Lajmi kryesor:

4 orë dhunë e tentativa për të sulmuar Kuvendin, Basha: Ja dolëm të mbanim protestën më të madhe (VIDEO)

TAG:
• protesta e 13 prillit