Petro Koçi ka komentuar përmes një postimi në rrjetet sociale arkivolin që protestuesit ‘i dhuruan’ kryeministrit Rama në protestën e 4 qershorit që Sali Berishës i duket "amnisti morale" për veprimin e tij 28 vite më parë. Për ish-deputetin, motorin politik të protestës e mbajnë ithtarët e Berishës.

Koçi shton se është qesharak edhe pretendimi se qeveria sponsorizon dhunën. Ajo që ish-deputeti nënvizon, është protesta e vërtetë jopartiake që kërkon përmirësim, së cilës qeveria duhet t’i japë të drejtë.

“Berisha i lumtur që përfundimisht nuk mbeti i vetmi që dërgoi një arkivol përballë kryeministrisë. I duket amnisti morale fakti që arkivoli u kthye për së dyti në mjet të luftës politike nga një lëvizje "qytetare".

Edhe pse është një lëvizje, motorin politik të së cilës e komandojnë ithtarët e tij. Bukuria e protestës u shëmtua dhe shpresa se ajo do të impononte ndryshimet e nevojshme në sistemin e demokracisë tonë po shuhen. Qesharak edhe pretendimi që dhuna sponsorizohet nga qeveria ndërsa dhunuesit konsiderohen si heronj. O njëra, o tjetra dreqi ta hajë.

Çudia tjetër është urrejtja që ka bërë bashkë në një front ballistët e vjetër, komunistët e rinj dhe vorio epirotët e përhershëm. Lufta për karrige e "liderëve" të shfrytëzimit të protestës po e vjedh karburantin që mban ndezur motorin e demokratizimit të mëtejshëm të Republikës.

Metodat dhe skemat haxhiqamiliste i shërbejnë vetëm qëllimeve të dumbabës. Është mëkat që reagimi dhe presioni progresist i qytetarëve të vërtetë, jo partiakë, që kërkojnë ndryshime që përmirësojnë performancën e Republikës të shkojnë dëm. Në këtë rast faji do u mbetet edhe disa analistëve që karriget e studiove u rrinë ngushtë e që mendojnë se karriget e Kuvendit mezi po presin të ndenjurat e tyre. Qeveria duhet të kuptojë se ka plot gjëra që nuk shkojnë mirë e për të cilat ata qytetarët jopartiakë, kanë të drejtë”, shkruan Koçi.

P.J/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Korrik, 10:41

    Sipas jush, protesta te Kuvendi a ka qenë e dhunshme nga ana e protestuesve?

Lajme të tjera